АҞӘА, ԥхынҷкәын 21— Sputnik, Бадраҟ Аҩӡба. Аԥсны Ахада Рауль Ҳаџьымба имҩаԥигаз апресс-конференциаҟны аанркобизнес хра аманы аҿагылаар амҩаԥгаразы иара иаиҿкааҩцәа аҭакԥхықәра иақәыршәалатәуп иҳәеит.
"Аҭакԥхықәра ҳарактәуп ҳҳәоит. Абахҭаҟны иҭаку реиҳараҩык анаркотикқәа рылазырҵәо роуп", — иҳәеит иара.
Иара убри аамҭазы анаркобизнес аиҿкааҩцәа аҭакԥхықәра ацәцара рылшоит ҳәа азгәеиҭеит Ҳаџьымба.
"Аҩныҵҟатәи аусқәа рминистрра аҿаԥхьа адҵа ықәыргылоуп анаркодиллерцәа ахьыҟазаалакгьы раарԥшра рылдыршаларц", — иҳәеит Ҳаџьымба.
Рауль Ҳаџьымба иазгәеиҭеит иара дшадгылаҩу анаркодиллерцәа ԥсраҽнынӡа бахҭала рҭакра.
2014 шықәса абҵарамзазы, Ашықәс ҿыц аламҭалази атәыла Ахадас иҟазаара 100-мш ахыҵреи инарыдҳәаланы Аԥсны Ахада Рауль Ҳаџьымба имҩаԥигеит раԥхьатәи апресс-конференциа ду. 2016 шықәса ԥхынҷкәын 27 рзы Рауль Ҳаџьымба имҩаԥигеит аҩбатәи апресс-конференциа ду.
