Sputnik, Анжелика Бениаԥҳа.
Ашықәс ҿыц еснагь ассирреи, агәазыҳәарақәеи, алакәреи ацуп. Адуцәа уи маҷ-маҷ ирхашҭуазаргьы ахәыҷқәа шамахамзар иазыԥшуп Аҵаа Бабаду дааины ргәазыҳәарақәа зегьы рынагӡара илшап ҳәа.
Аиҳаракгьы абри аџьашьахәра иазыԥшуп зылшара ԥку ахәыҷқәа.
"Москва Аҩнаҿы" ахәыҷқәа ашәа рыцырҳәон Ацгәы еиқәаҵәа, ирыцкәашон Миньонқәа, Аҵаа Бабаду, Асҭыԥҳа.
Аҳамҭақәа рыҭара аамҭа анааи ахәыҷқәа маҷк иааҟәит, избанзар аҳамҭа уоурц азы ажәеинраала иаԥхьатәын, мамзаргьы ашәа ҳәатәын, икәашатәын.
Уи зегьы рзы имариамызт, аха аамҭақәак рышьҭахь Аҵаа Бабаду исакь ҟаԥшь ишҭацәызгьы имбеит. Ахәыҷқәа зҳәара рылымшаз ажәеинраалақәа ирыцырҵон урҭ рҭаацәа.
12-шықәса зхыҵуа Даниил Лашевскии иҩыза Анрики Аҵаа Бабадуи Асҭыԥҳаи ирыцкәашоз ирыламызт.
"Аныҟәара, зегь раасҭа еиҳау гәазыҳәароуп", — иҳәеит Даниил.
Зылшара ԥку ахәыҷқәа реиҭашьақәыргыларазы Ацентр Аԥсны аус ауеижьҭеи ҩы-шықәса ҵуеит.
Агәабзиарахьчара аминистрра ԥхьаҟагьы урҭ ацхыраара рырҭалараны рыгәҭакуп, иҳәеит Агәабзиарахьчара аминистр Ҭамаз Ҵахнакьиа.
Аганахь аӡәгьы днымхароуп ахәыҷы иԥсҭазаара зегьы аҟны еиҳаны иҟоу игәазыҳәара анагӡара алыршаразы, еиҳаракгьы уи ахәыҷы егьырҭ дреиԥшымкәа иԥсҭазаара изныҟәазар, иҳәеит иара.
