Ашықәс аимхәыцқәа

© Sputnik / Томас ТхайцукЭлеонора Когония
Элеонора Когония - Sputnik Аҧсны
Ҽаанбзиала, Спутник Аԥсны аԥхьаҩцәа, шәхаҵкы. Абар, ҳнылагылеит 2018 ашықәс ҿыц ашәхымс. Ҳазнысыз ашықәс злеихаԥсоу аимхәыцқәа срызхәыцуа, исҭахын еихшьаалақәак ҟасҵарц.

Ҳарҭ ажурналистцәа, ҳхатә ԥсҭазаареи, ҳусуреи реиҟәыҭхара уадаҩуп, иааҳакәыршаны имҩаԥысуеи ҳаҩнаҭақәа рҿы иҟоу аҭагылазаашьеи ганкахьала ианеилаӡҩо ыҟоуп. Иҟазар аҭынчра адәахьы, аҩны аҩнуҵҟагьы ҭышәынтәалароуп. Ишьҭыҵыр асоциалтә-економикатә ԥсҭазаара, аҩнаҭагьы барақьаҭрахоит. Ажәакала, схатә ԥсҭазаареи сусуреи еишьашәалоуп сҳәар сылшоит иахьазы. Ишԥамҩаси нас, ари ашықәс сара сзы?

Батал Табагуа и Ахра Квеквескири - Sputnik Аҧсны
"Коӷониаԥҳа лымҩаду": азиндырҩцәа Аԥсны Аконституциа азы ргәаанагара

2017 шықәсазы ажурналист лаҳасабала аԥсҭазаара исыднагалеит иҿыцу хырхарҭак. Уи ахырхарҭа уеизгьы-уеизгьы исцәыхарамызт, аха ас сазааигәаҵәҟьаны сҟамлацызт. Иарбану ҳәа аԥхьаҩцәа шәхаҵкы шәҵаауазар, арадио Спутник Аԥсны асаит аҿы санцамҭақәа ркьыԥхьра иалагеит, иара убас, ари ашықәс ҽаҩраҭагалан аламҭалазы аефир ахь ицәырҵит савтортә радиодырраҭара "Коӷониаԥҳа лымҩаду". Игәаӷьыуацәан сара сзы, арадиодырраҭара алагара, аха, аредакциа иснаҭаз адгылара иабзоураны "амҩаду санылеит" стемақәеи сымҩанызацәеи сыманы. 

Уаанӡа сзышьцылахьаз ателербагатә жанр еиԥшым арадио аус. Араҟа, зегь раԥхьаӡа иргыланы ихадоуп абжьы, иҟаӡам асахьа, убри аҟынтә, иазыӡырҩуа хшыҩзышьҭра арҭарц азы, ҩынтәны ахы аус адулара аҭахуп. Абри ахҭыс сара сзы акыр иҿыцу, егьырҭ ашықәсқәа рзы сыԥсҭазаара иаламыз акәны иалыскаауеит.

Асаит азы исыҩуаз атемақәа ракәзар, еиуиеԥшымызт, акультура, аполитика, акриминогентә ҭагылазаашьа уҳәа, ҳтәылаҿы имҩаԥысуаз ахҭысқәа роуп изызку. Абраҟагьы, иалыскаауеит иҷыдоу акы, аԥхьаҩ еиҳа дрызҿлымҳауп асоциалтә-политикатә хырхарҭахь иаҵанакуа анҵамҭақәа, хәҭакахьала уи бзиоуп, аха игәасҭеит алитература, атеатр уҳәа ирызку атемақәа рызхьаԥшра шыԥсыҽу. 

Парламент. - Sputnik Аҧсны
Апарламент "аныҳәатә" спектакль

Убри аҟынтә, иааиуа ашықәс азы, еиҳагьы хшыҩзышьҭра рыҭатәуп ҳәа исыԥхьаӡоит урҭ атемақәа, избанзар амилаҭ реизҳараҿы акультура аԥхьа иргылатәу џьысшьоит. Арадио Спутник Аԥсны аҟны сыҟазаараҿы зегь реиҳа ихаданы исыԥхьаӡо, Аԥсны аҳәынҭқарратә бызшәала аусуразы алшара ахьсымоу ауп, уи ҳбызшәа аӡыргаразы ихәарҭа дуны исыԥхьаӡоит.

Абас ала, ари ашықәс азы, ҳтәылаҿы ацәгьоурақәа шырацәазгьы, урҭ рызхьаԥшра шсықәшәозгьы схатә ԥсҭазаара аиҭакрақәа аман абзиа аганахь, агәыӷрақәа сзынхоит иара убас, иааиуа ашықәс азы, аҭышәынтәалара зҟазшьоу ашықәс аимхәыцқәа реихаԥсара ҳԥеипшуп ҳәа.

Аԥсны имҩаԥысуаз ипозитивтәу ахҭысқәа рахьтә иалыскаарц сҭахын "Аӡбамҭа анагӡара"(институт судисполнителей) захьӡу аинситут аусура иахьалагаз, урҭ рымчала раԥхьаӡа акәны изакәанымкәа иргылаз ахыбрақәа рбган, убри алагьы дара иаадырԥшит, аҳәынҭқарра иаҭаххар азакәан арџьбара шалшо.

Иара убас, акыр ҳгәы шьҭызхуаз хҭысқәан аԥсуа хәыҷқәа апроект "Ты, супер!" аҿы аихьӡарақәа ахьаадырԥшыз. Абарҭ сызлацәажәо зегьы ирызкны адырраҭарақәа мҩаԥызгеит, мамзаргьы астатиақәа сыҩуан.

Ашықәс ахҳәаа азаҳуазар, иалыскарц сҭахуп ҳара ҳҳәынҭқарра аҩнуҵҟа абзиа аганахьала,аурыс театр асааҭ еиԥш еиқәышәшәа аусура иахьаҿу. Ҳтәылаҿы абри атеатр арепертуар аилазаашьеи, ахәаԥшҩы атеатр иадԥхьалашьеи, ашықәс анҵәамҭаз атеатр адиректор Иракли Хынҭәба иҟаиҵаз афинанстә —культуратә еихшьаалақәа иаҳдырбоит хазы игоу хәышҭаарак аҿгьы азакәан аус аурур шауа, умӷьычӡакәа аԥара урҳаргьы шалшо.

Ажәабжьқәа зегьы
0
Раԥхьа аҿыцқәаРаԥхьа ажәытәқәа
loader
АЕФИР АҾЫ
Заголовок открываемого материала
Жәларбжьаратәи
InternationalEnglishАнглыз бызшәаMundoEspañolАиспан бызшәа
Европа
DeutschlandDeutschАнемец бызшәаFranceFrançaisАфранцыз бызшәаΕλλάδαΕλληνικάАбырзен бызшәаItaliaItalianoАиталиа бызшәаČeská republikaČeštinaАчех бызшәаPolskaPolskiАполиак бызшәаСрбиjаСрпскиАсерб бызшәаLatvijaLatviešuАлатыш бызшәаLietuvaLietuviųАлитва бызшәаMoldovaMoldoveneascăАмолдав бызшәаБеларусьБеларускiАбелорус бызшәа
Алада Кавказ
ԱրմենիաՀայերենАерман бызшәаАҧсныАҧсышәалаАԥсуа бызшәаХуссар ИрыстонИронауАуаԥс бызшәаAzərbaycanАzərbaycancaАзербаиџьан бызшәа
Ааигәа Мрагылара
Sputnik عربيArabicАраб бызшәаTürkiyeTürkçeАҭырқә бызшәаSputnik ایرانPersianФарсиSputnik افغانستانDariДари
Агәҭантәи Азиа
ҚазақстанҚазақ тіліАҟазах бызшәаКыргызстанКыргызчаАҟырӷыз бызшәаOʻzbekistonЎзбекчаАузбек бызшәаТоҷикистонТоҷикӣАҭаџьықь бызшәа
Мрагыларатәии Алада-Мрагыларатәи Азиа
Việt NamTiếng ViệtАвиетнам бызшәа日本日本語Аиапон бызшәа中国中文Акитаи бызшәа
Алада Америка
BrasilPortuguêsАпортугал бызшәа