АҞӘА, ажьырныҳәа 25 — Sputnik. Венесуела иахьатәи Ахада Николос Мадуро официалла ирылеиҳәеит аҩбатәи ахадаратә ҿҳәараҿы икандидатура шықәиргыло. Абри атәы аанацҳауеит РИА Новости.
"Сара сақәшаҳаҭхеит 2019-2025шш. рзы атәыла Ахадас аҟаларазы ахықәыргылара. Шәҿаԥхьа ҭоуба зуеит венесуелатәи аусуцәа рыкласс ахьӡала кандидатс сшықәгыло", — иҳәеит Мадуро.
Ииасыз аҩашаҽны Мадуро аҳәамҭа ҟаиҵеит иааиуа алхрақәа раан икандидатура шықәиргыло. Венесуела амилаҭтә шьаҭаркратә еизара аӡбрала алхрақәа мҩаԥысыр алшоит мшаԥымза 30 2018 шықәса рзы, уаанӡа ашықәс анҵәамҭаз ҳәа шрылаҳәаз акәымкәа.
Мадуро, Уго Чавес ахадас иҟазаараан атәыла Ахада ихаҭыԥуаҩыс дыҟан. Атәыла ахадас далхын 2013 шықәса рзы. Алхрақәа раан иара иаԥигеит дызцықәгылаз аоппозициатә кандидат Енрике Каприлеса.
