Царгәыш: Аԥснытәи аспортсменцәа еиҳа ацхыраара раҳҭалоит

© Sputnik / Вадим Жернов / Амедиаҵәахырҭахь аиасраВольная борьба. Чемпионат России
Вольная борьба. Чемпионат России - Sputnik Аҧсны
Анапаҵаҩра
Аԥснытәи аспортсмен Денис Царгәыш ахаша, жәабран 21 рзы Москватәи аобласт аҟны зых иақәиҭу ақәԥаразы азыҟаҵаҩ хада ҳәа далхуп.

АҞӘА, жәабран 23 – Sputnik, Бадри Есиава. Аолимпиатә хәмаррақәа рҟны ахԥатәи аҭыԥ аанызкылаз, адунеи хынтәтәи ачемпион Денис Царгәыш ахаша, жәабран 21 рзы Москватәи аобласт аҟны зых иақәиҭу ақәԥаразы азыҟаҵаҩ хада ҳәа далхуп. Аспортсмен Sputnik Аԥсны акореспондент ишизеиҭеиҳәаз ала уажәшьҭа еиҳагьы игәцаракны аԥснытәи аспортсменцәа қәыԥшцәа дрыцхраалоит.

"Сара уаанӡагьы ишсылшоз ала срыцхраауан. Уажәы, еиҳагьы ацхыраара ҟасҵартә аҭагылазаашьа соуп ҳәа сгәыӷуеит", — иҳәеит Царгәыш.

Царгәыш иҳәеит атәыла анапхгара рыҩныҵҟа алацәажәара шыҟоу аспорттә школ-интернат аԥҵара апроект. Ачемпион иажәақәа рыла абри апроект ареспубликатә спорт аҿиара бзиа анаҭараны иҟоуп.

Денис Царгәыш игәҭакуп иусура хациркырц аспортсменцәа рынхарҭаҭыԥқәеи рҽазыҟаҵарҭаҭыԥқәеи еиҳа еиӷьны реиҿкаарала.

"Иахьатәи аамҭазы аԥснынтәи 18-ҩык рҟынӡа аспортсменцәа қәыԥшцәа Москватәи аобласт ахьӡала иқәгылоит, араҟа инхоит. Урҭ ирыцхраалатәуп", — иҳәеит Царгәыш.

Аолимпиатә хәмаррақәа рҟны ахԥатәи аҭыԥ аанызкылаз, адунеи хынтәтәи ачемпион Денис Царгәыш ахаша, жәабран 21 рзы Москватәи аобласт аҟны зых иақәиҭу ақәԥаразы азыҟаҵаҩ хадас далхуп.

Ажәабжьқәа зегьы
0