Гагра иаатит ашьапылампыл азы аиубилеитә чемпионат

© Sputnik / Илона ХварцкияПресс-конференция ФФА
Пресс-конференция ФФА - Sputnik Аҧсны
Анапаҵаҩра
НовостиTelegram
Sputnik Аԥсны апресс-центр аҟны имҩаԥысит ашьапылампыл азы Аԥсны Афедерациа Апрезидент Џьума Кәарацхьелиа дызлахәыз апресс-конференциа. Апресс-конференциа азкуп жәабран 28 рзы излагаз 25-тәи Аԥсны ачемпионат.

АҞӘА, жәабран 28 – Sputnik, Бадри Есиава. Sputnik Аԥсны апресс-центр аҟны имҩаԥысит ашьапылампыл азы Аԥсны Афедерациа Апрезидент Џьума Кәарацхьелиа дызлахәыз апресс-конференциа. Апресс-конференциаҟны Кәарацхьелиа иҳәеит аиубилеитә чемпионат шаадыртуа ашьапылампылтә клубқәа: "Гагра" "Самырзаҟан".

Тренировка детской футбольной команды. Архивное фото. - Sputnik Аҧсны
Кәарацхьелиа: 800-ҩык рҟынӡа ахәыҷқәа ашьапылампыл иасуеит

"Ачемпионат иубилеитәуп. Иара кьаҿуп. Ихыркәшахоит 2018 шықәса лаҵарамзазы. Еиҭалагоит ҭагалан. Ачемпионат иалахәхоит акомандақәа быжьба. Ҭагалан урҭ ирыцлоит аҽа х-командак. Уи зыхҟьаз урҭ акомандақәа ирымоу афинанстә уадаҩрақәа роуп", — иҳәоит Кәарацхьелиа.

Ачемпионат кьаҿ амҩаԥгара ӡбан ConIFA аверсиала Лондон имҩаԥысраны иҟоу адунеи ачемпионат инадҳәаланы.

"Аиҳаракгьы ас зыҟаҳҵаз ҳмилаҭтә командазоуп. Уи еиҳа инарҭбааны аҽазыҟаҵарақәа алнаршап ҳәа иҳаӡбеит. Иҳагәҭакуп аспортсменцәа ралыԥшаара", — иҳәеит иара.

Асеиԥш аӡбра анырра рнаҭеит иԥсабаратәым ахәмарырҭа ҭыԥқәа рыҟамзаареи Аԥсны аҳауатә ҭагылазаашьа аҷыдарақәеи. Ашоура цәгьа ахәаԥшыҩцәа реиԥш ахәмарыҩцәагьы иҵоурамкәа ирныруеит. Амшқәа аныцәгьо акәзар иԥсабаратәым ашьапылампыласырҭатә дәқәа ахьыҟоу ахәмаррақәа ииагатәхоит иҳәеит Кәарацхьелиа.

Аԥсны ашьапылампыл азы Афедерациа апрезидент иҳәеит амилаҭтә командазы Лондонҟа авизақәа рырхиара нап шарку.

"Иҟоуп ашәарҭа авизақәа ҳарымҭар ҳәа. Убри азы ҳара Адәныҟатәи аусқәа рминистрра ҳаҽрымаадеит. Дара ирылшоит 35 виза Ростов-на-Дону ақалақь аҿы иҟарҵар. Уи адагьы иара ConIFA аиҿкааҩцәагьы аинтерес рымоуп авизақәа ҳзыҟаҵара", — иҳәеит Афедерациа апрезидент.

Амилаҭтә команда аиҿкаараан аиҳарак аԥыжәара зҭахо ареспубликатә чемпионат алахәылацәа роуп. 70% рҟынӡа аҭыԥантәи ахәмарыҩцәа рыла ишьақәгылоит. Уажәнатә 11-ҩык ахәмарыҩцәа алаҳкаартә еиԥш иаабоит иҳәеит Џьума Кәарацхьелиа.

Иара убасгьы иазгәеиҭеит Афедерациа шуаажәларратә еиҿкаароу. Иара ачемпионатқәа аԥаразоужьраз афинансқәа ахала иаԥшаалар шакәу. Иара убри аан иҳәеит иҟоу аҭагылазаашьа иахьырԥшны аҳәынҭқарра абри аус аҿы ацхыраара шауа.

Ажәабжьқәа зегьы
0