Альдона Цкәуаԥҳа Москватәи асценаҿы дықәгылоит

© Sputnik / Томас ТхайцукАльдона Цкуа
Альдона Цкуа - Sputnik Аҧсны
Анапаҵаҩра
Аԥснытәи ашәаҳәаҩ Альдона Цкәуаԥҳа далахәын амузыкатә проект "Голос".

АҞӘА, хәажәкыра 1 – Sputnik. Жәларбжьаратәи аҳәса рымшныҳәа иазку аконцерт "Во имя женщин" мҩаԥысраны иҟоуп хәажәкыра 7 рзы Бахрушин ихьӡ зху Атеатр амузеи аҟны. Абри атәы аалыцҳаит аԥсуа оператә шәаҳәаҩы Альдона Цкәуаԥҳа.

Альдона Цкуа - Sputnik Аҧсны
Александр Градски Альдона Цкәыуаԥҳа ажәалагала лзыҟаиҵеит

Аконцерт аҿы лара ашәа лыцылҳәоит Аахыҵ Уаԥстәылатәи аоператә шәаҳәаҩы Лали Хабалова.

"Ҩыџьаны ҳаицықәгылоит. Асеиԥштәи аконцерт раԥхьаӡа акәны имҩаԥаагоит. Иаҳҭахуп ауаԥс-аԥсуа тандем ҟаҳҵарц", — ҳәа лҳәоит Альдона Цкәуаԥҳа.

Лара иара убасгьы илҳәеит ҳаԥхьаҟазы ишазыԥхьагәарҭо Аԥсни Аахыҵ Уаԥстәылеи аконцертқәа рымҩаԥгара.

Ашәаҳәаҩ лажәақәа рыла, хәажәкыра 7 рзы имҩаԥысуа аконцерт ахь днаԥхьоуп апроект "Синяя птица" алахәыла, аоператә шәаҳәаҩы Тимур Сланов.

"Ахәылԥаз амҩаԥгаҩыс дыҟоуп Хьыбла Герзмааԥҳа, Вероника Джиоева, Анна Нетребко, Екатерина Семенчук уҳәа реиԥш иҟоу ашәаҳәаҩцәа амаҭәа рзаԥызҵо, амоделиер Орҳан Султан", — лҳәоит Альдона Цкәуаԥҳа.

Аконцерт "Во имя женщин" апрограмма классикатәуп. Инарыгӡараны иҟоуп акомпозиторцәа-аклассикцәа Верди, Почини, Чаиковски, Рахманинов рашәақәа.

"Аклассика адагьы анеополитантә ашәақәа наҳагӡоит. Дмитри Хворостовски игәалашәара иазкны инагӡахоит ашәа "Нежность", — ҳәа лҳәоит ашәаҳәаҩ.

Аԥснытәи ашәаҳәаҩ Альдона Цкәуаԥҳа далахәын амузыкатә проект "Голос".

Ажәабжьқәа зегьы
0