Аминистр: амармалташьтә пты ақәхразы ахәшәқәа раахәара хацыркуп

Анапаҵаҩра
НовостиTelegram
Аԥсны Аҳәынҭқарра Ахада имҩаԥигаз аилатцәажәара аҟны иӡбан амармалташьтә пты иаҿыгыланы ақәԥаразы ареспубликатә штаб аиҿкаара.

АҞӘА, хәажәкыра 3 – Sputnik, Бадраҟ Аҩӡба. Амармалташьтә пты иаҿагыланы ақәԥаразы 2018 шықәсазы иазоужьуп 10 миллион мааҭ, урҭ рҟынтәи х-миллионк рыхә ахимикатқәа аахәоуп, иҳәеит ақыҭанхамҩа аминистр Даур Ҭарба.

Президент Абхазии Рауль Хаджимба провел совещание с участием ученых, глав администрации городов и районов республики посвященное борьбе с мраморным клопом. - Sputnik Аҧсны
Амармалташь пты аныхразы ареспубликатә штаб аԥҵоуп

Уи иажәақәа рыла, иаахәоу ахәшәқәа иаарласны Аԥсны араионқәа ишаны ирыҭахоит. Даур Ҭарба ажәалагала ҟаиҵеит даҽа хә-миллионк рыхә ахәшәқәа ааганы ашьҭаҵаразы.

"Ҳазлацәажәо азҵаара амармалташьтә пты проблема дуӡӡаны аԥсуа ҳәынҭқарра аекономика иазцәырҵит. Ишыжәдыруа еиԥш ҵыԥхтәи алҵшәақәа рыла 50-60% рҟынӡа ақыҭанхамҩа ааха аиуит. Ари апроблема Аԥсны мацара иазҷыдаҟазшьоу акәӡам, адунеи еицазеиԥшу проблемоуп", — ациҵеит уи.

Аҳәынҭқарра аҩнуҵаҟа имҩаԥгоу аусқәа ыҟоуп, ҵыԥх аҳәынқарратә биуџьет аҟынтәи иазоужьын аа-миллионк.

"Урҭ аԥарақәа рыла иаагеит еиуеиԥшым ахәшәтәыгақәа, имҩаԥган ақыҭанхамҩа иадҳәалоу аусқәа. Ҳамчқәа рацәаны Гал араион иазаҳкит, х-нызқь гектар рҟынӡа ҳхы иаҳархәеит аҳаиртә баӷәаза амчқәа", — иҳәеит ақыҭанхамҩа аминистр.

Амармалташьтә пты акыр ашәарҭара иҭанаргылоит Аԥсны ақыҭанхамҩа, убри аҟнытә уи ақәхразы аусурақәа шеиҿкаатәу.

"Ҳауаажәлар ииашаны еилыркаарц сҭахуп, ари аус ақыҭанхамҩа аминистрра, мамзаргьы егьырҭ аҳәынҭқарратә усбарҭақәа рхала аӡбара даара ирцәыцәгьахоит", — азгәеиҭеит уи.

Амармалташьтә пты Аԥсны раԥхьаӡа акәны ицәырҵит 2014 шықәса рзы, иара макьана аҭыԥантәи аԥсабара иаламҵәац, уи ауп ахәаҷа-маҷа изфашагьы зцәырымҵыц, уи дара рхыԥхьаӡара акырӡа иланырҟәрын.

Ажәабжьқәа зегьы
0