"Хра злоу ахҭысқәа": Бадраҟ Аҩӡба Таиф Аџьба ирҿиара иазкны
"Избан Таиф Аџьба ирҿиамҭа иазкны адиссертациа аҩра зызҭаххаз, ибан акәзар иара ирҿиамҭақәа акырӡа иҵаулоуп, исзааигәоуп, ашкол санҭаз инаркны. Таиф Аџьба ирҿиара аԥсуа критикцәа иҭырҵаахьеит, аха аҭҵаамҭақәа рацәоуп, ҳәа ҳзыҳәаӡом. Еиуеиԥшым алитературатә журналқәа ирнылоит иара ирҿиара иазку аҭҵаамҭақәа, аха иааидкыланы монографиак ҭыжьны иҟам. Ас еиԥш иҟоу аус уҽаназыук иара ирҿиара адагьы апоет иҟазшьаз, иуаҩышьаз аилкаар аҭахуп. иҩымҭақәа ртәы анаҳҳәо иҳәатәуп иара ԥсыуа́бызшәа цқьала ишыҩу, марианы ишеиҿартәоу", — иҳәеит Аҩӡба.
