АҞӘА, хәажәкыра 15 — Sputnik. Урыстәыла Ахада Владимир Путин Ҟрымтәи ацҳа автомабилтә цәаҳәа агәаҭараан, ихырҵахьоу ацҳахәҭа дықәсны, Ҟрым аганахь автомабилтә аркала диасит. Иҳәеит дшеигәыӷуа ацҳа аԥхынразы ахархәара аиуп ҳәа. Абир атәы аанацҳауеит РИА Новости.
Ҟрымтәи ацҳа автомобилтә цәаҳәа анагӡараз рацәак агым. Иазыԥхьагәаҭоу аҿҳәарақәа ирықәшәоит иҳәеит Владимир Путин.
"Даара ибзиахон аԥхынразы ацҳа шеибакәу ауаа рхы иадырхәо изалагар", — иҳәеит иара аусуҩцәа данрыҿцәажәоз.
Путин аусуҩцәа ҭабуп ҳәа реиҳәеит, амҩахәҭа аартраан шәаҳзаауама ҳәа ирҭаз азҵаара аҭакс "сҽазысшәоит" иҳәеит.
Ҟрымтәи ацҳа аргылара мҩаԥысуеит 2016 шықәса раахыс. Автомашьынақәа рныҟәаар хацыркхароуп 2018 шықәса рзы, адәыӷбақәа рныҟәаар – 2019 шықәса рзы.
Ҟрыми Краснодартәи атәылаҿацәи еимаздо ацҳа аура 19 километра инаӡоит.
