АҞӘА, хәажәкыра 23 — Sputnik. Алхрақәа рофициалтә еихшьаалақәа инарықәыршәаны Урыстәыла Ахадас далхуп Владимир Путин. Иара изы рыбжьы рҭиит 76,69% алхыҩцәа ҳәа аанацҳауеит РИА Новости.
Аҩбатәи аҭыԥ ааникылеит Павел Грудинин, 11,77% абжьқәа иоуит (8 659 206-ҩык алхыҩцәа рыбжьы изырҭиит), ахԥатәи — Владимир Жириновски, 5,65% бжьы (4 154 985-ҩык алхыҩцәа рыбжьы изырҭиит).
Ксениа Собчак аԥшьбатәи ҳәа дшьоуп, 1,68% абжьқәа лоуит (1 238 031-ҩык алхыҩцәа рыбжьы лзырҭиит).
Ацентртә алхратә комиссиа алхрақәа мҩаԥгоуп ҳәа ахырҳәааит.
Атәыла Ахада ипресс-маӡаныҟәгаҩ Дмитри Песков ишиҳәаз ала аҭоубашьҭаҵара арыцхә ҷыдала ирылаҳәахоит.
Алхратә уснагӡатәқәа хацыркын ԥхынҷкәын 18 рзы.
Аҳәынҭқарра ахадас ркандидатурақәа ықәгылан: Сергеи Бабурин, Павел Грудинин, Владимир Жириновски, Владимир Путин, Ксениа Собчак, Максим Сураикин, Борис Титов, Григори Иавлински.
