Аԥсуа револиуциа 125-шықәса ахыҵра аҽазыҟаҵара мҩаԥысуеит

© SputnikДом, в котором с 1923 года жили Нестор и Сария Лакоба
Дом, в котором с 1923 года жили Нестор и Сария Лакоба - Sputnik Аҧсны
Анапаҵаҩра
НовостиTelegram
2018 шықәса рзы иҵуеит аԥсуа револиуционерцәа Нестор Лакобеи Ефрем Ешбеи иижьҭеи 125 шықәса аҵра.

АҞӘА, хәажәкыра 28 – Sputnik, Сариа Кәарацхьелиаԥҳа. Астол гьыжь "Аԥсны: аиҭеира амҩа уадаҩ", аԥсуа револиуционерцәа Нестор Лакобеи Ефрем Ешбеи иижьҭеи 125 шықәса аҵра иазкыз, мҩаԥысит Аҟәа, аҳәынҭқарратә музеи аҿы хәажәкыра 27 рзы.

"Аԥсны аҭоурых акыр ибеиоуп. 80 шықәса раԥхьа иҟаз аамҭа цәгьа иалаӡит Нестор Лакоба, Ефрем Ешба, Самсон Ҷанба, Симон Басариа, Николаи Ақырҭаа уҳәа ирацәаҩӡаны. Арҭ ауаа аиаша мап ацәкны ахеиқәырхара иашьҭалазҭгьы иҟалон рыԥсы ҭазаргьы, аха дара уи рылымшеит. Абарҭ азҵаарақәа ирызкуп иахьатәи астол гьыжь", — иҳәеит аиԥылараҟны афилософиатә наукақәа ркандидат Олег Дамениа.

Аԥсуа ҭоурыхдырыҩ Станислав Лакоба иажәахә шьаҭачс иаман Нестор Лакобеи Ефрем Ешбеи реизыҟазаашьа, Сталини Троцкии дареи реиҩызара аҭоурых.

Нестор Лакоба  - Sputnik Аҧсны
Зыԥсҭазаара қәԥараз: Нестор Лакоба диижьҭеи 128 шықәса ҵит

"1936 шықәса итрагедиаз шықәсхеит Аԥсны Аревком иахагылаз зегьы рзы. Лакобеи Ешбеи ргәаанагарақәа зегьрыла еиқәымшәозаргьы, рус ззырхаз Аԥсны аинтересқәа ракәын. Убас, 1921 шықәса алагамҭазы Ешба Ленин идгыларала Аԥсны ахьыԥшымра азҵаара даԥшьгаҩхеит. Уи иадгылон Лакобеи Ақырҭааи, — ҳәа еиҭеиҳәоит Лакоба.

Лакоба иазгәеиҭеит Сталин амчрахь иааира Лакоба ихы ишаирхәаз итәыла аинтересқәа рзы хра аманы иҟаларцаз.

"Нестор Лакоба Сталин амчраҿ иҟазаара ихы иаирхәеит Аԥсны аекономикатәи акультуратәи ҿиараҿы. Убас, 1925-1931 шықәсқәа раан, зехьынџьара амлакреи ахьҭакреи аҳра аныруаз Аԥсны курорттә республиканы еизҳазыӷьон", — иҳәеит иара.

Ефрем Ешба диит хәажәкыра 19 1893 шықәса рзы.

Нестор Лакоба диит лаҵарамза 1 1893 шықәса рзы.

Ажәабжьқәа зегьы
0