АҞӘА, хәажәкыра 28 – Sputnik, Бадраҟ Аҩӡба. Аӡынтәи аамҭазы ЕгрыГЕС аҿы аӡы алаҟәра иахҟьаны аҭагылазаашьа акыр иуадаҩын иҳәеит Аслан Басариа хәажәкыра 28 рзы имҩаԥигаз апресс-конференциаҿы.
"Аԥсны есышықәса иазҳауеит афымцамч ахархәара, арахь аӡы аҩаӡара шкаҳац икаҳауеит", — иҳәеит иара.
Убри инадҳәаланы ареспублика аҿаԥхьа апроблема шыҟац иаанхоит.
"Сынтәагьы ус акәын. Анцәа иџьшьаны аӡынра ԥхаррахеит, ГРЕС иоунажьуаз афымцамчгьы ҳазхартә ҳаизибархеит". — иҳәеит иара.
2017 шықәса рзы аинвестициатә программала еиҭашьақәыргылан аподстанциа Гагра-1. Иара иахҭынҵан 168 миллион мааҭ, ателемеханика иахҭынҵан 36 миллион мааҭ, атехника ҷыда аахәаразы ишәан 23 миллион мааҭ.
2017 шықәса рзы "Амшынеиқәафымцамч" иазоужьын 703 миллион мааҭ аԥара.
