АҞӘА, хәажәкыра 29– Sputnik. Апауерлифтинг азы Аԥсны имҩаԥысыз аицлабрақәартәы радио Sputnik иазеиҭаҳә есышықәса ачемпионат зҽалазырхәуа рхыԥхьаӡара еиҳахоит иҳәеит Аԥсны пауерлифтинг азы Афедерациа апрезидент Максим Быков.
"Апауерлифтинг азы аицлабрақәа рлахәылацәа рхыԥхьаӡара иаҳәоит иара ауаа ишрылаҵәаз атәы. Ҳара ҳахь иааиуеит амч рыманы иӷәӷәаны иҟалар зҭаху аҷкәынцәа", — иҳәеит иара.
Аԥсны иара убасгьы аҿиара амоуп атлетика хьанҭа. Арҭ аспорт хкқәа акыр еизааигәоуп ҳәа азгәеиҭоит Быков.
"Арҭ адисциплинақәа азеиԥшрақәа рымоуп", — иҳәоит иара.
Аспорттә залқәа рахь инеиуа маҷ-маҷ еиҳа игәцаракны аспорт иазныҟәо иалагоит ҳәа ишьоит Быков.
"Зылҵшәақәа аабо апауерлифтинг ахь инеирц рабжьаагоит. Уахь инеиуа иалагеит аӡӷабцәагьы. Убас раԥхьаӡаа кәны имҩаԥысыз Аԥсны ачемпионат далахәын Маиа Агәмааԥҳа. Ицәгьамкәангьы лхы аалырԥшит. Уи лыдагьы иҟоуп еиҭахгьы пауерлифтинг знапы алаку", — иҳәеит Афедерациа апрезидент.
Ачемпионат аҿы иреиӷьу ҳәа далыркааит 2008 шықәса рзы ииз Петр Стороженко.
Хәажәкыра 25 рзы Аԥсны имҩаԥысит пауерлифтинг азы ачемпионат. Иара иалахәын 45-ҩык аспортсменцәа.
