Аԥсуа бызшәа аҵаразы аинновациатә методика ахархәара арҭеит Москва

© Фото : Capital schoolЯзыковая школа Capital school
Языковая школа Capital school - Sputnik Аҧсны
Анапаҵаҩра
НовостиTelegram
Атәым бызшәақәа ринновациатә школ аусура шьаҭадыркит Москва инхо Ролан Агрбеи Ирина Цәышԥҳаи.

АҞӘА, хәажәкыра30 – Sputnik. Москва, аԥсуа бызшәа аҵаразы аус адырулеит атехнологиа ҿыц. Иара егьырҭ абызшәақәа рҵараҿгьы алҵшәа бзиақәа аанашьҭуеит ҳәа радио Sputnik Аԥсны иазеиҭалҳәеит ашкол адиректор, аметодика SMART автор Ирина Цәышԥҳа.

Абхазская клавиатура - Sputnik Аҧсны
"Аԥсуа клавиатура" аусура хацыркуп

Аԥсуа бызшәа аҵаразы хәыда-ԥсадатәи акурсқәа аус руеит Москва, абызшәатә школ Capital School аҿы.

"Аԥсуа бызшәа ашкол аҟны иара анаадырт инаркны арҵара мҩаԥысуеит. Иара ҳара иахьаҳхатәы бызшәоу азы егьырҭ абызшәақәа инарываргыланы аҿиара аиур ҳҭахуп. Акурсқәа рҿы аҵара рҵоит Москва инхо ҳдиаспора. Иҟоуп Аԥсны иадҳәало аурысцәагьы, аԥсшәа зҵарц зҭаху. Уи угәы иахәартә иҟоуп лҳәоит", — Цәышԥҳа.

Лара еиҭалҳәоит адиаспора рыцхыраарала амҽышатә школ аус шауа.

"Агәахәара унаҭоит мышкы иалагӡаны аҵараз асиа рҽахьанырҵаз 20-ҩык рҟынӡа ҳаԥсуаа. Цҳара усеиԥшҵәҟьа ҳазыԥшымызт. Уажәы иҳаӡбеит агәыԥқәа 2-3 еиҿаҳкаарц. Азеиԥш интерес ҳҿаргьы еиднакылоит. Агәра згоит ԥхьаҟазы уи еиуеиԥшым апроект ҿыцқәагьы ҵаҵӷәыс ишырзыҟало" ҳәа далацәажәоит Ирина Цәышԥҳа.

Аԥсуа бызшәа длырҵоит Орнелла Ҳагәышԥҳа. Лара аԥсуа бызшәеи англыз бызшәеи еиваҟәало илдыруеит.

"Ҳагәҭакгьы убри акәын иззырхаз – арҵаҩы англыз методика аԥсуа бызшәа арҵараҿы лхы иалырхәартә лыҟазаара. Орнелла ААУ доушьҭымҭоуп. Ҳашкол рҵаратә центрк аҳасаб ала ахы ӡырнагоит. Иаҳгәиҭоуп Аԥснытәи арҵаҩцәа ааԥхьаны атехнологиа ҿыц дырҵара назыгӡо апроект аус арура. Аметодика абызшәа аҵара ҳаамҭа иақәшәо. Интересны иҟанаҵоит", — лҳәоит ацентр адиректор.

Стопка книг в библиотеке - Sputnik Аҧсны
Иаԥҵоуп аҭҵаарадырратә центр "Аԥсуа енциклопедиа"

Лара лажәақәа рыла англыз бызшәаҿ ишыҟоу еиԥш аԥсуабызшәазы еихшо алитература аиура уадаҩуп.

"Англыз бызшәа аҵаразы еиуеиԥшым ахархәагақәа ыҟазар, аԥсуа бызшәазы урҭ аресурсқәа ԥкуп. Уи адагьы ҳара ҳахь иааиуа ахәыҷқәа мчыбжьык ахь знык ауп ианаҳзааиуа. Уи абызшәазы имаҷуп. Ус шакәугьы мызқәак рышьҭахь алҵшәақәа цәгьамкәа ҳарзыԥшуп", — лҳәоит лара.

Ашкол Capital School Center ахы ианархәоит Ирина Цәышԥҳа лметодика. Уихра аманы ишыҟоу ала ахы аанарԥшхьеит, Лондон аҵараз Жәларбжьаратәи ацәыргақәҵаҿы аҟазауаа ахәшьара ҳарак арҭеит.

Ажәабжьқәа зегьы
0