Актәи Аҟәатәи акинофестиваль асасцәа ақалақь иалсны ирбеит

© Sputnik / Томас ТхайцукЭкскурсия для участников кинофестиваля по набережной Сухума
Экскурсия для участников кинофестиваля по набережной Сухума - Sputnik Аҧсны
Анапаҵаҩра
Актәи Аҟәатәи Жәларбжьаратәи акинофестиваль аартра ацеремониа мҩаԥысраны иҟоуп Фазиль Искандер ихьӡ зху Аҳәынҭқарратә аурыс драматә театр аҿы мшаԥымза 2 асааҭ 18.00 рзы.

АҞӘА, мшаԥы 2 – Sputnik, Асмаҭ Ҵәыџьԥҳа. Актәи Аҟәатәи акинофестиваль асасцәа ақалақь иналс-аалсны, аҳҭнықалақь аҭоурых ҭыԥқәа рбеит, ажурналистцәа ирзеиҭарҳәеит ирбаз-ираҳаз ирызцәырыргаз ацәаныррақәеи акинофестиваль ахь иааргаз аусумҭақәеи Аԥсны акиноиндустриа аҿиараз ргәаанагаарқәеи ртәы.

Ауаа аекран афон аҿы. Архивтә фото. - Sputnik Аҧсны
Аԥсны имҩаԥысуа Жәларбжьаратәи акинофестиваль ажиури алкаауп

"Аԥсуаа уаа ццакқәоуп. Зметраж кьаҿу акино дара ирықәшәо форматуп", — иҳәеит ажиури алахәыла, актер, арежиссер Сергеи Пускепалис.

Акраамҭа инымҵәоз аӡынра зыԥсахыз ааԥын амрашәахәеи аԥсабара аԥшӡареи ихнахыз асасцәа иара усгьы иазгәарҭеит акинотеатрқәа атәылаҿ рыҟамзаара акиноиндустриа аҿиара акыр ишаԥырхаго.

© Sputnik / Томас ТхайцукЭкскурсия для участников кинофестиваля по набережной Сухума
Экскурсия для участников кинофестиваля по набережной Сухума - Sputnik Аҧсны
Экскурсия для участников кинофестиваля по набережной Сухума

Иара ус ишыҟоугьы аҟыбаҩ ҷыда злоу ауаа ыҟоуп атәылаҿ иҳәеит афестиваль асас, актер Александр Тиутриумов.

"Аԥсны аҿар акыр аинтерес рыҵаны иҟоуп. Иахьынӡаздыруа ала иаартуп Акиномотографистцәа ҿарацәа реидгыла. Уи иашоуп. Ареспубликаҿ акультура ԥсҭазаара аизҳара амазароуп. Аҟазара иадҳәалоу зегьы аҿиара рымазароуп. Аамҭа иақәшәозароуп" — иҳәеит актиор.

Афестиваль иаҭааит Бельгиа, Франциа, Италиа, Тунис, Аладатәи Кореиа рхаҭарнакцәа. Аҵыхәтәантәиқәа ирҳәеит Аԥсны аӡбахә уаанӡа ишырмаҳацыз, аха аҭоурых анҭырҵаа ашьҭахь ишеилыркааз арахь ицәырыргаз акиносахьақәа аԥсуа хәаԥшҩы игәы ишаднакыло.

SIFF - Sputnik Аҧсны
Аԥсны мшаԥымзазы акинофестиваль мҩаԥысраны иҟоуп

Акиносахьа "Вот" арежиссиор Даниель Хоффман иҳәеит Аԥсны аԥсабареи апеизажи аҟазара ушазхьадырԥшуа, акино аҿиарагьы ара ихымԥадатәины ишыҟоу.

Афестиваль асасцәа ақалақь аҭыԥ ԥшӡарақәа рбеит, рфотосахьақәа ҭырхит.

Актәи Аҟәатәи Жәларбжьаратәи акинофестиваль аартра ацеремониа мҩаԥысраны иҟоуп Фазиль Искандер ихьӡ зху Аҳәынҭқарратә аурыс драматә театр аҿы мшаԥымза 2 асааҭ 18.00 рзы.

© Sputnik / Томас ТхайцукЭкскурсия для участников кинофестиваля по набережной Сухума
Экскурсия для участников кинофестиваля по набережной Сухума - Sputnik Аҧсны
Экскурсия для участников кинофестиваля по набережной Сухума
Ажәабжьқәа зегьы
0