Аԥсуа каратистцәа ахьтәы медалқәа 13 Аԥсны иазааргеит

© Sputnik Бадрак АвидзбаТурнир по косики каратэ в Сухуме
Турнир по косики каратэ в Сухуме - Sputnik Аҧсны
Анапаҵаҩра
Шәача ақалақь аҿы хәажәкыра 31 инаркны мшаԥы 1 аҟынӡа имҩаԥысуаз косики карате азы аицлабрақәа рҟынтәи аԥсуа каратистцәа ахьтәы медалқәа 13 Аԥсны иазааргеит.

АҞӘА, мшаԥы 4 – Sputnik, Бадраҟ Аҩӡба. Шәача ақалақь аҿы хәажәкыра 31 инаркны мшаԥы 1 аҟынӡа имҩаԥысуаз косики карате азы аицлабрақәа рҟынтәи аԥсуа каратистцәа ахьтәы медалқәа 13 Аԥсны иазааргеит. Абри атәы Sputnik иазеиҭеиҳәеит косики карате Аԥснытәи Афедерациа апрезидент Абхазии Демис Адлеиба.

"18-ҩык ҳаспортсменцәа рылахәын Шәача ақалақь аҿы хәажәкыра 31 инаркны мшаԥы 1 аҟынӡа имҩаԥысуаз косики карате азы аицлабрақәа. Иааидкыланы ҳаспортсменцәа 31 медал ранашьахеит. Урҭ рҟынтәи 13 хьтәы медалуп, 7 разны медалуп, 11 аџьаз иалху медалуп. Ариаҟара медал зҳауз, иҟан аспортсменцәа ҩба-хԥа дисциплина рҿы иқәгылоз. Убас, Самир Хәарцкиа дықәгылон адисциплинақәа катеи кумитеи рҟны. Рыҩбагьы рҿы аиааира игеит", — иҳәеит иара.

Адлеиба даара игәы рызҭаны дрыхцәажәеит егьырҭ аспортсменцәагьы.

"Еиуеиԥшым акатегориақәа рҿы аиааира ргеит: Сандро Киут, Нарҭ Арсалиа, Софиа Аҩӡыԥҳа, Сариа Хәпориаԥҳа", — иҳәеит иара.

Демис Адлеиба иҳәеит Аԥснытәи аспортсменцәа рыҽшазыҟарҵо косики карате азы Азиа Ахраҿаҿ ақәгылара. Иара мҩаԥысуеит лаҵарамза 12 рзы, Барнаул.

Ажәабжьқәа зегьы
0