АҞӘА, мшаԥы 17— Sputnik. Адунеи зегь аҟынтәи 227 нызқьҩык рҟынӡа ауааԥсыра рҽаладырхәит акциа "Мҽхакыҭбаалатәи адиктант". Урыстәыла анҭыҵ адиктант аҩра иалахәын 27 нызқьҩык ҳәа аанацҳауеит РИА Новости, апроект анапхгаҩы Ольга Ребковец лажәақәа ҵаҵӷәыс иганы.
"2018 шықәса рзы 227 нызқьи 325-ҩык рҟынӡа ауааԥсыра рҽаладырхәит акциа "Мҽхакыҭбаалатәи адиктант". Урыстәыла анҭыҵ адиктант аҩра иалахәын 27 нызқьҩык", — лҳәоит Ребковец.
Лара лажәақәа рыла Урыстәыла аҩныҵҟа адиктант рҩит 170750-ҩык ауааԥсыра, анҭыҵ –26908-ҩык.
"2017 шықәса рзы Урыстәыла анҭыҵ адиктант аҩра иалахәын 17433-ҩык ауааԥсыра. Сынтәа асеиԥш аҽалархәра иҟарҵаз агәахәара ҳнаҭеит", — лҳәеит лара.
Адиктант рыҩуан иара убасгьы атәым милаҭқәа рхаҭарнакцәа. Убас, Китаи адиктант аҩра иалахәын 940-ҩык ауааԥсыра.
Аԥхьахәқәа "Большая книга", "Ясная Поляна" рлауреат, ароман "Зулейха открывает глаза" автор, ашәҟәыҩҩы Гузель Иахина далыркааит 2018 шықәса рзы имҩаԥысраны иҟаз "Мҽхакыҭбаалатәи адиктант — 2018" авторс.
Еиуеиԥшым ашықәсқәа раан "Мҽхакыҭбаалатәи адиктант" атекст иаԥхьон: Борис Стругацки, Дмитри Быков, Захар Прилепин, Дина Рубина, Алексеи Иванов.
