"Хра злоу ахҭысқәа": Шьалашьаа Олег Шамба изкны
"Даара хшыҩла иӷәӷәаз уаҩын, аекономика шыиҩуаз еиԥш ажәеинраалақәа иҩуан, ажәлар рҿапыцтә ҳәамҭақәа еизигон. Даара адазгәаҟуан аҿар рааӡара. Астудентцәа ражәахәқәа рыла имаҷымкәа ашәҟәқәагьы ҭижьхьан. Уи аҳәынҭқарра иаҿагылоит ҳәа зҳәозгьы ыҟан. Ҳара ҳашьҭахь игыло аҿар рацәаны ҳзымааӡац макьана, убри хьаас иман. Урыстәылаҟа ицоит, уа иалгоит, аспирантура иҭалоит, аха иахьа ҳхала иҳааӡаз аӷьеиҩҳәа иҳавагыло ыҟам. 2000 шықәса рзы иара ихатә программа ҟаиҵеит, аҳәынҭқарратә ахьӡҵаны, араионқәа рҿы аекономика ашьҭыхразы иаҭаху аусқәа ҳәа", — азгәеиҭеит Шьалашьаа арадио Sputnik Аԥсны аефир аҟны.
