Аԥсны иадыргалеит Екатеринбургтәи атурфорум иаҩызахарц

© Sputnik Бадри ЕсиаваПресс-конференция министерства по курортам и туризму Абхазии
Пресс-конференция министерства по курортам и туризму Абхазии - Sputnik Аҧсны
Анапаҵаҩра
НовостиTelegram
VI Жәларбжьаратәи атуристтә форум "Большой Урал-2018" Аԥсны аделегациа алахәхра атәы иалацәажәан Аԥсны акурортқәеи атуризми рминистрраҿ имҩаԥгаз апресс-конференциаҿы.

АҞӘА, мшаԥы 25 – Sputnik, Бадри Есиава. Аԥсны иадыргалеит Екатиринбургтәи VI Жәларбжьаратәи атуристтә форум "Большой Урал-2018" иаҩызахарц, абри атәы иҳәеит апресс-конференциаҟны аминистр ихаҭыԥуаҩ Асҭамыр Ахба.

"Афорум аҟны есышықәса иалыркаауеит атәыла-партниор. Сынтәа ҳара иҳадыргалеит тәыла-партниорс аҟалара", — иҳәеит Ахба.

Иара убасгьы аиԥылара ҳаман Жәларбжьаратәи ажурналистцәа рассоциациа апрезидент Тиджани Хаддади ҳареи. Иара атуризм иазкны дыҩуеит. Агәра ҳиргеит Аԥсны аҳәаанырцәтәи ажурналистцәа рзы апресс-турқәа рымҩаԥгараҿ дҳацхраарц шилшо, ҳәа азгәеиҭеит Ахба.

Свердловтәи аобласт агубернатор ихаҭыԥуаҩ Алексеи Орлов ажәалагала ҟаиҵеит Аԥсни Свердловтәи аобласти рыбжьара аусеицураз аиқәшаҳаҭра анапы аҵаҩызарц.

"Абхазскии союз туризма" апрезидент Анна Калиагина иазгәалҭеит Уралынтәи Аԥсныҟа иаауа атуристцәа шмаҷу, избанзар Аԥсны иазку аинформациа маҷны ирымоуп ҳәа.

"Афорум аан Аԥсны иазкыз аролик ӡыраагеит, атурагентцәеи ҳареи ҳаиҿцәажәеит. Ирзеиҭаҳҳәеит Аԥсны аӡбахә", — лҳәеит лара.

Асеиԥш иҟоу афорумқәа ареспублика аӡыргареи, аԥышәа аимдареи, аиныррақәеи, аинвесторцәа рааԥхьареи ирзырхоуп.

Афорум мҩаԥысуеит 2013 шықәса раахыс.

Ажәабжьқәа зегьы
0