АҞӘА, мшаԥы 26– Sputnik, Бадри Есиава. Асистема ГЛОНАСС ала аекскурсиатә автобусқәа еиқәыршәахоит, урҭ ачемпионат аламҭалаз аԥсуа-аурыс ҳәаа рахысра алыршаразы иҳәеит Аԥсны акурортқәеи атуризми рзы аминистр ихаҭыԥуаҩ Асҭамыр Ахба.
"Асистема ГЛОНАСС ала аекскурсиатә автобусқәа еиқәыршәахоит, урҭ ачемпионат аламҭалаз аԥсуа-аурыс ҳәаа рахысра алыршаразы. Ачемпионат Шәача амҩаԥгараан атранспорт аныҟәара ԥкхар ҟалоит", — иҳәеит Ахба.
Иара иҳәеит атуристтә екскурсиатә еиҿкаарақәа арҭ аԥкрақәа рҽырзыҟарҵоит, аԥхынтәи асезон еиԥымҟьарц ирылшо зегьы ҟарҵоит ҳәа.
Анавигациатә спутниктә система (ГЛОНАСС – аред.) — Урыстәылатәи навигациатә спутниктә системоуп.
