Аӡбарҭа хадеи Апрокурор хадеи "ампыл" еимырдоит

CC0 / / Судебный молоток и весы правосудия
Судебный молоток и весы правосудия - Sputnik Аҧсны
Анапаҵаҩра
НовостиTelegram
Аԥсны Апрокурор хада Зураб Ачба Аӡбарҭа хада ахантәаҩы Манана Делԥҳа лахь азыҳәа неишьҭит Аԥсны АИхқәа 2017 шықәса рзы Рафик Чалокиан дишьызар ҟалоит ҳәа агәҩара ззыҟоу Едуард Адлеиба иганахь ала ашьаусҭҵаара иалацәажәо агәҽанҵара рылҭарц.

АҞӘА, мшаԥы 27 – Sputnik. Ашьаусҭҵаара шымҩаԥысуа атәы иахцәажәо АИХқәа агәҽанҵара рыҭара азин имоуп апрокурор хада ҳәа аҳәоит Аԥсны Иреиҳаӡоу аусӡбарҭа аофициалтә саит аҟны. 

"Аԥсны Иреиҳаӡоу аусӡбарҭа ахантәаҩы изинмчрақәа ҳәаақәырҵоит ареспублика Азакәанеидкыла ахы 46, "Аӡбаратә мчразы" азакәан ахәҭаҷ 66. Уаҟа иарбам ашьаусҭҵаара иахцәажәо АИХ аганахь ала агәҽанҵара аҟаҵараз азинмчра рымоуп ҳәа. "Аԥсны Аҳәынҭқарра апрокуратуразы" азакәан аҟны иарбоуп асеиԥш азинмчра змоу апрокурор иоуп", — ҳәа аҳәоит асаит адырраҭараҿы.

Аԥсны ажурналистцәа Реидгыла алхрақәа инарымаданы АИХ рахь ааԥхьара ҟанаҵеит

Иреиҳаӡоу аӡбарҭаа шәҟәаҿы иазгәанаҭеит ашьаусҭҵаара аларҵәара еиҿызкаауаны иҟоу иаарту аилатәараҿ ажурналистцәа рыҟазаароуп ҳәа. Убри аан аудио–, афото– ма авидеоҭаҩра аҟаҵара азин ыҟоуп аӡбарҭа ақәшаҳаҭрала.

Ажурналистцәа арҭ азинқәа аӡбарҭа ақәшаҳаҭымкәа рхы ианадырхәо урҭ анырра рыҭахоит азакәанԥҵара иазыԥхьагәанаҭо аҭагылазаашьақәа рхархәарала.

Иреиҳаӡоу аӡбарҭа иара убасгьы иазгәанаҭеит АИХ аусзуҩцәа азин рымам рдыррақәа рҟны алкаақәа ҟаҵахаанӡа ргәаанагарақәа рарбара, урҭ анеитралитет рыманы рхы мҩаԥыргалароуп ҳәа.

Ачба ишәҟәаҿы иазгәеиҭеит 2018 шықәса мшаԥы 20 рзы ашьаусӡбара иалахәыз ажурналистцәа ашьаустә ӡбареиҿкаара апринципқәа еиларгеит ҳәа.

Иара убасгьы иазгәеиҭеит статиақәак аҿаҵа-ҟазшьа рымоуп, ауаажәларратә гәаанагарагьы анырра арҭоит ҳәа.

Ажәабжьқәа зегьы
0