"Арратә зыҟаҵаразы апрограмма ҳгәы ишаанагоз еиқәҳаршәеит сара, Беслан Мышәба, Ҭемыр Начҟьебиа. Анаҩс аҵара аминистрраҟны идҳарбеит, иргәаԥхеит. Егьырҭ араионқәа рҿгьы ишьақәгылеит, убри апрограммала аусура ҳаҿуп иахьа. Арҵага шәҟәы ҳамаӡам, аха уи аҩыза алшара ҟалап, аминистргьы ус еиԥш ашәҟәы ашколқәа рзы иҭахын, ргәы иҭоуп уи аиқәыршәара. Ажәабатәи акласс аҿы ауп ари амаҭәар аҵара ианалаго. Аха иаҳа еиҵбацәоугьы акыр иазҿлымҳауп. Ирбоит иҟаҳҵо, ҳаргьы ҳанбалагои ҳәа иаауеит, ишьыцны ирыхәаԥшуеит ажәабатәи аклаасс аҟны итәоу. Ҳаибашьра аҭоурых рзеиҭаҳҳәоит, хԥаҟа шықәса ҵуеит ахысра иаҳгоижьҭеи, атәылахьчара аминистрра ҳацхраауеит уи аганахьала.
Иахьа аҩнаҭаҟны абџьар змоу рацәоуп, ашәарҭадара азҵаарақәа ҳрылацәажәоит, убри иацныҟәартә еиԥш. Аб изгәамҭакәа ахәыҷы абџьар имԥыхьашәар ахымҩаԥгашьа иаша идыруазароуп. Жәеиза шықәса ҵуеит ашкол аҟны аус зуеижьҭеи, сҵаҩцәа ашкол иалганы ицеит уажәшьҭа изҿу сус иалаӡам ҳәа акәӡам, рсиа сымоуп Урыстәылаҟа аҵара ицаз, арратә академиа иҭалаз, амилициа, аҭагылазаашьа ҷыда аминистрра аганахьала уҳәа. Ашкол иалгаз арра имцогьы дҟалап, аха реиҳарак сҵаҩцәа арра аганахьала ицаз роуп", —ҳәа азгәеиҭеит Кәакәасқьыр.
Кәакәасқьыр: сҵаҩцәа реиҳараҩык арратә занааҭқәа алырхит
17:23 30.04.2018 (ирҿыцуп: 17:38 30.04.2018)
© Sputnik / Томас Тхайцук
Анапаҵаҩра
Арратә зыҟаҵара арҵаҩы Ҭемыр Кәакәасқьыр арадио Sputnik аефир аҿы иазгәеиҭеит иоушьҭымҭацәа реиҳараҩык арратә занааҭқәа алырхуеит ҳәа. Аҳҭнықалақь ашколқәа рыбжьара имҩаԥысуаз арра-спорттә хәмарра "Аиааира" аҟны актәи аҭыԥ ааннакылеит иара аус ахьиуа Аҟәатәи аԥшьбатәи абжьаратә школ.
"Хра злоу ахҭысқәа": Кәакәасқьыр ашкол аҿы арратә зыҟаҵара иазкны
