"Аклассикатә музыка инашьҭаргыланы даара пату зқәысҵо ҟазароуп аџаз. 2011 шықәсазы Иунеско аӡбарала ари амш ииашаны иаԥырҵеит. Избанзар хыла-гәыла уаназхәыцуа даара иуадаҩу, иузеидымкыло акультурақәа реидкылара зылшаз ауп аџаз. Иара даара иҳараку ҟазараны иԥхьаӡоуп. Ажәаатәи ашәышықәса инаркны ари аҟазара Европаҟа иаауа иалагахьан, Африкеи егьырҭ адунеи ахәҭақәа еидызкыло синтезны иԥхьаӡоуп. Африка иахьаҵанакуа афранцыз англыз колониақәа аныҟаз аамҭазы анегрцәа иреиуаз Европатәи акультура злаҽны иааӡаз, ԥсабарала абаҩхатәра злаз амузыкантцәа иаԥырҵеит аџаз. Дара иддырҵоз аклассикатә музыкеи ршьа — рда иалаз акультуреи еилалеит. Аџаз, ишдыру еиԥш синтезуп, ирацәаны акультурақәа еилаланы идырҿиаз ҟазароуп, аха шьагәыҭс иамоу ақьабз, афольклор ауп. Иахьа ҳара ҳҟынӡа иааӡаз аџаз ԥсадгьылс иамоу Орлеан Ҿыц ауп. Аџаз интеллектуалла иҳаракӡоу иӷәӷәоу ҟазароуп. Аџаз убас иҟоуп композициак иахьа ишынарыгӡаз уаҵәы даҽакла инарыгӡарц рылшоит. Араҟа аимпровизациа акыр аҵанакуеит, ахақәиҭра рацәоуп", — иҳәеит Миқаа арадио Sputnik Аԥсны аефир аҟны.
Миқаа: аџаз даара пату сзақәуп, ахақәиҭра рацәоуп
12:42 30.04.2018 (ирҿыцуп: 12:46 30.04.2018)
© Sputnik / Томас Тхайцук
Анапаҵаҩра
Аџаз Жәларбжьаратәи амш аҽны ашәаҳәаҩ Ерик Миқаа ари амузыкатә хырхарҭа дашазыҟоу иара аҷыдарақәа ртәы дырзааҭгылеит арадио Sputnik Аԥсны аефир аҟны.
Ерик Миқаа аџаз иазкны
