"…Амҩа сықәуп Польшаҟа, хьаас сҟашәымҵан. Иаарласӡаны аиааира сыманы схынҳәуеит. Хышбак иҳаҭгәын збеит абра. …джуп ақалақь апарк аҿы, аешьаратә ԥсыжырҭаҿы. Ихарсу аӷәыцәмаҟьа абас ануп "Хышба Николаи Николаевич, 1910 года рождения, погиб в боях с немцами 7 января 1944 года". Аамҭа сымам акәымзар, иҵегь ԥыҭҩык сԥшаауан, арыцҳақәа…
Аӡәгьы гәырҩас сҟашәымҵааит. Сзаанаҭ ала амаҵура смоут, аха сзызкхалак – еибашьроуп. Сышәҟәқәа лассы-лассы ишәмоут ҳәа шәымшәан, ақьаад амамзаароуп…
Бзиала ҳаиқәшәааит!
Михаил Ҭаниа дҭахеит иуль 29, 1944 шықәсазы.
"Бзиала ҳаиқәшәааит!": Михаил Ҭаниа афронт аҟнытә иааишьҭаз исалам шәҟәы
16:58 06.05.2018 (ирҿыцуп: 21:56 06.05.2018)
Анапаҵаҩра
Аџьынџьтәылатәи еибашьра Ду 1941-1945 шықәсқәа рзы Аԥснытәи аибашьцәеи рҭаацәеи еимаздоз афронт аҟнытә асалам шәҟәқәа ракәын. Sputnik Аԥсны апроект "Асалам афронт аҟнытә" - аибашьцәа ргәы иҵхоз, аҩныҟа ишықәхьааргоз атәы.
