АҞӘА, лаҵара 8 – Sputnik. Рауль Ҳаџьымба аҭоурых наукақәа рдоктор, ААУ апрофессор Иури Воронов анышә дахьамадоу ахь днеины ашәҭшьыҵәрақәа шьҭеиҵеит. Абри атәы аанацҳауеит атәыла Ахада иофициалтә саит.
Аҭоурых наукақәа рдоктор, ААУ апрофессор Иури Воронов диит лаҵара 8 1941 шықәса рзы Ҵабал, Вороноваа рынхарҭа "Ясочка" аҟны.
1965 шықәса рзы Ленинградтәи ауниверситет далгеит. 1971 шықәса рзы аҭоурых наукақәа ркандидатс дҟалеит, 1985 — аҭоурых наукақәа рдокторс. Ҵабалтәи аҭоурых-культуратә ҳәырԥсарра напхгара аиҭон Аԥснытәи аҳәынҭқарратә университет аҟны алекциақәа дрыԥхьон.
1990-1995 шықәсқәа раан Аԥсны Иреиҳаӡоу Асовет адепутатс дыҟан. 1994 — 1995 шықәсқәа рзы Аминистрцәа Рсовет Аԥыза-министрс дыҟан. Напхгара аиҭон Аԥсны иҟоу аурыс уаԥшьқәа Рконгресс.
Иури Воронов дшьын 1995 шықәса рзы.
