Сергеи Скрипаль ахәышәтәырҭа дылырҩааит

© AFP 2022 / Chris J RatcliffeГоспиталь в Солсбери, где находятся Сергей Скрипаль и его дочь
Госпиталь в Солсбери, где находятся Сергей Скрипаль и его дочь - Sputnik Аҧсны
Анапаҵаҩра
НовостиTelegram
Сергеи Скрипаль ахәышәтәырҭаҟынтәи дылырҩааит ҳәа аарыцҳауеит амассатә информациатә хархәагақәа.

АҞӘА, лаҵара 18— Sputnik. ГРУ уаанӡатәи аусзуҩ, аполковник Сергеи Скрипаль игәабзиара аҭагылазаашьа еиӷьхеит, ахәышәтәырҭа дылырҩрааит. Абри атәы аанацҳауеит РИА Новости

Хәажәкыра 4 рзы Солсбери, Британиатәи амаҵзура ҷыдақәа аус рыцызуаз, уаанӡа ГРУ аус зуаз Сергеи Скрипали иԥҳа Иулиеи ахәшә рырҭеит.

Абри аан ахархәара аман Урыстәыла иҭыжьу амаҭәашьар А234 "Новичок" ҳәа аҳәамҭа ҟанаҵеит Британиатәи амаҵзура ҷыда.

Больница в Солсбери. Архивное фото - Sputnik Аҧсны
Сергеи Скрипаль игәабзиара аҭагылазаашьа еиӷьуп

Урыстәыла акәзар абри мап ацәнакит.

Британиа ду Аԥыза-министр Тереза Меи абри инадҳәаланы Урыстәылатәи адипломатцәа 23-ҩык атәыла иалцахоит, ҩ-ганктәи аизыҟазаашьақәагьы русура ԥкхоит ҳәа аҳәамҭа ҟалҵеит.

Убри аҭакс Урыстәыла Адәныҟатәи аусқәа рминистрра хәажәкыра 17 рзы 23-ҩык Британиа ду Ацҳаражәҳәарҭа аусзуҩцәа "персона нон грата" ҳәа ишьаны мчыбжьык аҩныҵҟала Урыстәыла аанрыжьроуп ҳәа аӡбра аднакылеит.

Уи ашьҭахь "Скрипаль иус" инадҳәаланы, ЕАШ (США) аҳәамҭа ҟанаҵеит атәылаҟынтәи 60-ҩык урыстәылатәи адипломатцәеи 12-ҩык ООН иҟоу атәыла ахаҭарнакра аусзуҩцәеи атәылаҟынтә ишықәцахои Сиетл иҟоу Урыстәылаа консулра хада шадыркуеи рзы.

Иара убри аан иарбанызаалак Урыстәыла ахара ахаразтәыша ршаҳаҭга ыҟан иҟамызт.

Москва акәзар, имҩаԥысуа провокациоуп ҳәа ахнаҳәаауан. Владимир Путин иакәзар иазгәеиҭеит Урыстәыла ахимиатә бџьар амам ҳәа.

Ажәабжьқәа зегьы
0