"Коӷониаԥҳа лымҩаду": Агәас ҳџьынџьуаа рырхынҳәра азҵаара иазкны
"Араҟа инхо ауаа ҭынчны, ибзианы инымхакәа адәахьынтә уаҩ дузаагаӡом. Раԥхьа иргыланы аҩныҵаҟа ҳмилаҭ, ҳҿар рызҵаарақәа ӡбахароуп. Анаҩс, арепатриациазы аминистррагьы уи аус иашьҭоуп, аха ҳаргьы иаҳа ҳаартызароуп ҳџьынџьуаа арахь нхара иаарц", — иҳәеит Агәас.
Аԥсуаа ҳашмилаҭ маҷугьы, амилаҭ ду рыхдырра ааҳарԥшыроуп. Ҳҳәынҭқарра аргылара, хымԥада, иадҳаԥхьалароуп ҳаешьаратә жәларқәа аубыхцәеи адыгцәеи ҳәа азгәеиҭеит Имдаҭ Агәас.
