Лондон иҟоу Урыстәыла Ацҳаражәҳәарҭаҿ Иулиа Скрипаль рзы агәҭынчымра рымоуп

© Sputnik / Алексей Филиппов / Амедиаҵәахырҭахь аиасраГорода мира. Лондон
Города мира. Лондон - Sputnik Аҧсны
Анапаҵаҩра
НовостиTelegram
Лондон иҟоу Урыстәыла Ацҳаражәҳәарҭаҿ Иулиа Скрипаль рзы агәҭынчымра рымоуп. Ацҳаражәҳәарҭа ахаҭарнак иазгәеиҭеит иулиа лбара ишеигәырӷьоз, амаҵзура Реитер аҿы иҟалҵаз авидеоҳәамҭаҿ аинформациа ҿыц акыр ишырацәо.

АҞӘА, лаҵара 24— Sputnik. Лондон иҟоу Урыстәыла Ацҳаражәҳәарҭаҿ Иулиа Скрипаль рзы агәҭынчымра рымоуп. Ацҳаражәҳәарҭа ахаҭарнак иазгәеиҭеит иулиа лбара ишеигәырӷьоз, амаҵзура Реитер аҿы иҟалҵаз авидеоҳәамҭаҿ аинформациа ҿыц акыр ишырацәо. Уи адагьы авидеоҳәамҭа азҵаарақәа жәпакы цәырнагоит ҳәа иазырыԥхьаӡоит Ацҳаражәҳәарҭаҿы ҳәа аанацҳауеит РИА Новости.

Адипломатцәа ргәаанагарала иумбарц залшом Скрипаль "заанаҵы иазырхиаз атекст дшаԥхьаз".

Адипмиссиа ахаҭарнак иара убасгьы иазгәеиҭеит аконсултә конвенциақәа азин шыҟарҵо хаҭала Иулиа лыҿцәажәара.

Юлия Скрипаль - Sputnik Аҧсны
Иулиа Скрипаль Урыстәылаҟа ахынҳәра лҭахуп

Уи аҭахуп, лара мчыла даанкыланы дышрымам аилкааразы.

Хәажәкыра 4 рзы Солсбери, Британиатәи амаҵзура ҷыдақәа аус рыцызуаз, уаанӡа ГРУ аус зуаз Сергеи Скрипали иԥҳаи ахәшә рырҭеит.

Абри аан ахархәара аман Урыстәыла иҭыжьу амаҭәашьар А234 "Новичок" ҳәа аҳәамҭа ҟанаҵеит Британаитәи амаҵзура ҷыда.

Урыстәыла акәзар абри мап ацәнакит.

Британиа ду Аԥыза-министр Тереза Меи абри инадҳәаланы Урыстәылатәи адипломатцәа 23-ҩык атәыла иалцахоит, ҩ-ганктәи аизыҟазаашьақәагьы русура ԥкхоит ҳәа аҳәамҭа ҟалҵеит.

Убри аҭакс Урыстәыла Адәныҟатәи аусқәа рминистрра хәажәкыра 17 рзы 23-ҩык Британиа ду Ацҳаражәҳәарҭа аусзуҩцәа "персона нон грата" ҳәа ишьаны мчыбжьык аҩныҵҟала Урыстәыла аанрыжьроуп ҳәа аӡбра аднакылеит.

Уи ашьҭахь "Скрипаль иус" инадҳәаланы, ЕАШ (США) аҳәамҭа ҟанаҵеит атәылаҟынтәи 60-ҩык урыстәылатәи адипломатцәеи 12-ҩык ООН иҟоу атәыла ахаҭарнакра аусзуҩцәеи атәылаҟынтә ишықәцахои Сиетл иҟоу Урыстәылаа консулра хада шадыркуеи рзы.

Иара убри аан иарбанызаалак Урыстәыла ахара ахаразтәыша ршаҳаҭга ыҟан иҟамызт.

Москва акәзар, имҩаԥысуа провокациоуп ҳәа ахнаҳәаауан. Владимир Путин иакәзар иазгәеиҭеит Урыстәыла ахимиатә бџьар амам ҳәа.

Ажәабжьқәа зегьы
0