Аԥснытәи ашьапылампыласыҩцәа авизақәа роуит

© Sputnik Алхас МанаргияБолельщики и игроки сборной Абхазии после победы в матче со сборной Северного Кипра на чемпионате Conifa 2017
Болельщики и игроки сборной Абхазии  после победы в матче со сборной Северного Кипра на чемпионате Conifa 2017 - Sputnik Аҧсны
Анапаҵаҩра
Yandex newsTelegram
2013 шықәса, рашәара 7 рзы иаԥҵан FIFA иалахәым акомандақәа Рфедерациа. Сынтәа, ConIFA аверсиала ашьапылампыл азы адунеи ачемпионат мҩаԥысраны иҟоуп Лондон.

АҞӘА, лаҵара 25 – Sputnik. Аԥснытәи ашьапылампыласыҩцәа авизақәа роуит Лондонҟа ацаразы иҳәеит акоманда азыҟаҵаҩ Беслан Аџьынџьал. Абри атәы аанацҳауеит РИА Новости.

"Иацы иҳарҳәеит авизақәа шәоуит ҳәа, — иҳәеит азыҟаҵаҩ. Аҽазыҟаҵарақәа аштаттә режим ала имҩаԥысуеит. Ашьыжь асааҭ 11:00 рзи ахәылбыҽха асааҭ 17:00 рзи аҽазыҟаҵарақәа мҩаԥаагоит. Сгәы иаанагоит ачемпионат ахь анеира ҳазыхиоуп ҳәа.

Тренировка Сборной Абхазии по футболу - Sputnik Аҧсны
Аԥснытәи акоманда ConIFA-2018 ачемпионат аҽазнархиоит

Аҽазыҟаҵарақәа мҩаԥыслоит лаҵара 29 рҟынӡа.

"Лаҵара 29 рзы аҵыхәтәантәи аҽазыҟаҵара мҩаԥаагоит. Лаҵара 30 рзы Лондонҟа ҳцоит. Акоманда 20-ҩык ашьапылампыл асыҩцәа рыла ишьақәгылоуп", — иҳәоит Аџьынџьал.

Ҳшьапылампыласыҩцәа адгылара рырҭарц арантәи ирыццо шыҟоугьы Беслан Аџьынџьал дақәгәыӷуеит Европа инхо аԥсуаагьы ачемпионат ахәмаррақәа рахь инеиип ҳәа.

Аҵәҭаԥсара аихшьаалақәа рыла Аԥснытәи акоманда Аҩадатәи Кипри, Тибети, Фельвидеки ркомандақәа ргәыԥ иақәшәоит.

"Агәыԥ даара аҩаӡара ҳаракуп. Дареи ҳареи ҳаицыхәмархьеит азы, рыҩаӡара зеиԥшроу аадыруеит. Акомандақәа акыр еиҿкаауп. Аинтернет аҿы аинформациа ҳаԥшаауеит, рыхәмаршьа аметодқәа ҭаҳҵаауеит", — иҳәеит иара.

Ашьапылампыл азы адунеи ачемпионат ConIFA-2018 аҟны аԥсуа команда алшарақәа дрылацәажәо Беслан Аџьынџьал иҳәеит ахәмарра иаҳнарбап ҳәа.

Аԥсуа команда алахәылацәа зегьы профессионалтә хәмарцәоуп. Еиуеиԥшым аклубқәа: "Долгопрудный", "Металлург Липецк", "Спартак Владикавказ", "Торпедо Москва", "Арсенал" рҟни Аԥсны иреиҳаӡоу алигаҿи ихәмаруан.

ConIFA аверсиала адунеи ачемпионат хацыркхоит Лондон, лаҵарамза 31 2018 шықәса рзы.

Актәи агәыԥ иалоуп акомандақәа: Барава, Каскадиа, Елан Ванин, Тамил Еелам. Аҩбатәи агәыԥ —Аԥсны, Аҩадатәи Кипр, Тибет, Фельвидека (Словакиа инхо авенгрцәа). Ахԥатәи агәыԥ – Паданиа, Кирибати, Матабелеленд, Сикеитәи атәылаҿацә. Аԥшьбатәи агәыԥ иалоуп: Пенджаб, Мраҭашәаратәи Ермантәыла, Кабилиа, Иапониа инхо акорееццәа.

Аԥснытәи акоманда адагьы Лондонтәи ачемпионат аквалификациа иахысит: Барава (Сомали), Республика Каскадиа (ЕАШ, Канада), Еллан Ванина (адгьылбжьаха Мен), Кабилиа (Аҩадатәи Африка), Карпаталиа (Украинатәи авенгрцәа), Матабелеленда (Зимбабве), Аҩадатәи Кипр, Паданиа (Италиа), Пенджаб (Индиа), Секеитәи атәылаҿацә (Румыниа), Тамил и Лама (Шри-Ланка), Тибет, Тувалу (Полинезиа), Мраҭашәаратәи Ермантәыла, Иапониатәи акорееццәа ркомандақәа.

ConIFA еиднакылоит 30 рҟынӡа команда.

Ажәабжьқәа зегьы
0