АҞӘА, лаҵара 25 — Sputnik. Америкатәи ашәаҳәаҩ Ники Джем иутиуб-канал аҟны икьыԥхьит ашьапылампыл азы Адунеи ачемпионат аофициалтә ашәа ҳәа аанацҳауеит Р-Спорт.
Акомпозициа Live It Up нарыгӡеит америкатәи актер Уилл Смит, Ники Джеми албаниатәи ашәаҳәаҩ Ера Истрефи. Продиусерц дықәгылеит америкауаҩ Diplo. Live It Up аҟны аофициалтә клип ҭыҵуеит рашәара 7 рзы. Смит, Джем, Истрефи абри ашәа еицырҳәоит рашәара 15 рзы "Лужники" аҟны.
"Адунеи ачемпионат аҟны ақәгылара гәазырҳагоуп. Ачемпионат адунеи ажәларқәа еиднакылоит. Ники, Diplo, Ера ашәа рыцҳәара акәзар еиҳагьы агәырӷьара узнарҵысуеит", — ҳәа азгәеиҭеит Уилл Смит.
Раԥхьаӡа акәны Урыстәыла имҩаԥысраны иҟоуп ашьапылампыл асразы Адунеи ачемпионат рашәара 14 инаркны ԥхынгәы 15 рҟынӡа Урыстәыла ақалақьқәа 11: Москва, Санкт-Петербург, Самара, Саранск, Ростове-на-Дону, Шәача, Казань, Калининград, Волгоград, Новгород, Екатеринбург рҟны.
