Надараиа: атәылауаҩшәҟәқәа рыԥсахра акәӡам, аҿыцқәа рыла аиқәыршәароуп имҩаԥысуа

© Sputnik Томас ТхайцукГлава администрации Галского района Темур Надарая
Глава администрации Галского района Темур Надарая - Sputnik Аҧсны
Анапаҵаҩра
НовостиTelegram
Аԥсны Аԥыза-министр ихаҭыԥуаҩ Асҭамыр Қьецба имҩаԥигеит аусутә еилацәажәара Аҩныҵҟатәи аусқәа рминистрра апаспорттә Усбарҭа аусзуҩцәа алархәны аҩаша, рашәара 19 рзы.

АҞӘА, рашәара 20– Sputnik. Гал араион ауааԥсыра атәылауаҩшәҟәы ҿыцқәа рыла реиқәыршәара иаанаго ажәытә аҿыц ала аԥсахра акәӡам, уажәы имҩаԥысуа аҭаԥшыхәрақәеи агәаҭарақәеи ирыхрыжьуа иҿыцу процессуп иҳәеит араион Ахада Ҭемыр Надараиа Аԥсны Аԥыза-министр ихаҭыԥуаҩ Асҭамыр Қьецба имҩаԥигаз аусутә еилацәажәараҿ.

"2014 шықәсанӡа Мрагыларатәи Аԥсны ауааԥсыра апаспорттә комиссиа аӡбрала ирырҭахьаз атәылауаҩшәҟәқәа амчра рымаӡам ҳәа ишьақәыргылоуп. Азакәан ҩ-тәылауаҩрак азин ҟанаҵоит Урыстәылеи Аԥсныи рганахь мацарала. Азыҳәаҩ аԥсуа тәылауаҩра аиуразы иахәҭаны иҟоу агәаҭарақәа дырхыжьхоит, дырхыжьхоит агәаҭарақәа аҽа ҳәынҭқаррак дшатәылауаҩым азгьы", — иҳәеит Надараиа.

Паспорт нового образца. - Sputnik Аҧсны
Аԥсуа тәылауаҩшәҟәқәа рыла ашықәс нҵәаанӡа ауааԥсыра зегь рзеиқәыршәом

Атәылауаҩшәҟә ҿыцқәа роуит 200-ҩык рҟынӡа араион ауааԥсыра, убри аан анхараз азин роуит 3500-ҩык ауааԥсыра иҳәеит Гал араион апаспорттә ҟәша аиҳабы Ҭимур Минаиа.

Апаспорттә Усбарҭа аиҳабы Едуард Манаргиа иазгәеиҭеит зыквалификациа ҳараку акадырқәа шазымхогьы.

"Аусзуҩцәа ахьӡом ирзынарышьҭуа адокументқәа аус рыдулара. Асистема аус ауразы кадырла аиқәыршәара аҭахуп" — иҳәеит Манаргиа.

Аԥыза-министр ихаҭыԥуаҩ Астамыр Қьецба иазгәеиҭеит атәылауаа документла реиқәыршәара ырмариатәуп, иара убри аан еиӷьтәтәуп ҳәа. Уи азы ихымԥадатәины иҟоуп араионқәа рхадарақәеи, амиграциатә маҵзуреи, амилициа аҟәшақәеи реинырра — иҳәеит иара.

"Иарбанызаалак ицәырҵуа апроблемақәа иаарласны иӡбаны рҭыԥ иқәҵалатәуп" — иҳәеит Қьецба.

Ажәабжьқәа зегьы
0