АҞӘА, рашәара 26 — Sputnik. Урыстәыла Ахада Владимир Путин адҵа ҟаиҵеит аҳәаанырцәтәи атәылауаа, аурыс бызшәа здыруа, Урыстәылатәи Афедерациаҿы аус зуларц зҭаху анхараз азин ырмарианы ироурц. Ауснагӡатә ҿҳәараны иамоуп — нанҳәа 31 2018 шықәса.
""Урыстәыла Аҩныҵҟатәи аусқәа рминистрра, Аџьа аминистрра, Аҵара аминистрра, Аекономикатә ҿиара аминистрра, Адәныҟатәи аусқәа рминистрра иҟарҵароуп ажәадгалақәа Урыстәылатәи Афедерациа иахьаҵанакуа анхараз азин ырмарианы ироурц аурыс бызшәа здыруа, Урыстәылатәи Афедерациаҿы аус зуларц зҭаху атәымтәылауааи атәылауаҩра змам ахаҿқәеи", —ҳәа аҳәоит анапынҵаҿы.
Анапынҵа анагӡара ҿҳәараны иамоуп нанҳәа 31 2018 шықәса. Иара анагӡарази аус адуларази аҭакԥхықәра рыдуп: Аҩныҵҟатәи аусқәа рминистр Владимир Колокольцев Аџьа аминистр Максим Топилин.
