АҞӘА, ԥхынгәы 26— Sputnik. Убагьы ԥхынгәы 22 рзы Шьамтәылатәи Арабтә республика Адәныҟатәи аусқәа рминистр Валид Муаллеми Аахыҵ Уаԥстәылатәи иколлега Дмитри Медоеви Дамаск рнапы аҵарҩит аҩ-ҳәынҭқаррак рыбжьара адипломатиатә еизыҟазаашьақәа рышьақәыргыларазы Аиқәшаҳаҭра. Анатоли Бибилов Шьамтәылаҟа иофициалтә ныҟәара хыркәшахеит ҳәа аанацҳауеит Sputnik Аахыҵ Уаԥстәыла.
Анатоли Бибилови Башар Асади рнапы зҵарҩыз аиҩызареи аусеицуреи рзы Аиқәшаҳаҭра аус адулоуп ҩ-ганктәи аизыҟазаашьақәа рырҿиареи аиҩызаратә еизыҟазаашьақәа рырӷәӷәареи шьаҭас иҟаҵаны.
Аиқәышаҳаҭра ишьақәнарӷәӷәоит ашьам жәлари ауаԥс жәлари реизыҟазаашьа арҭбаараз аҽазышәара.
Аиқәышаҳаҭра инақәыршәаны аганқәа аус еицырулоит ахәаахәҭра, аекономика, аҭҵаарадырра, аҵарадырра, акультура, аспорт русхкқәа рҟны.
Аахыҵ Уаԥстәыла Ахада официалтә визитла Дамаск иҟазаара аҳәаақәа ирҭагӡаны имҩаԥысит атәыла Аԥыза-министр Имад Хамис, Шьамтәыла Жәлар рхеилак ахантәаҩы Хаммуд Сабаг, абизнес еилазаара рхаҭарнакцәа рԥылара.
Анатоли Бибилов иара убасгьы дырԥылеит Шьамтәыла инхо ауаԥс еилазаара рхаҭарнакцәа.
