"Хра злоу ахҭысқәа": Габниаԥҳа Аҷандара имҩаԥырго аекспедициа иазкны
"Аекспедициа иалахәуп аетнологцәа, афольклористцәа, абызшәаҭҵааҩцәа, аҭоурыхҭҵааҩцәа, дҳацуп асоциолог. Аҟәшақәа зегьы ҳаицуп, уи машәырны иҟамлаӡеит. Ҳбызшәа ашьҭыбжьқәа рҭагылазаашьа, ажәа аиҿартәышьа, аҳәашьа, изхысуа еиуеиԥшым аԥсахрақәа зегьы ҭҵаахоит. Акырӡа азҿлымҳара аҭаны иҭаҳҵаауеит аԥсуа ныҳәарақәа. Ижәдыруеит, ҳажәлар ркалендар даара ибеиоуп, уи инақәыршәаны аныҳәарақәа мҩаԥыргоит. Убасгьы адемографиатә ҭагылазаашьа аҭҵаара мҩаԥысуеит. Ари аҳәынҭқарра зегьы азы ицхыраагӡа духоит", — лҳәеит Габниаԥҳа.
