АҞӘА, нанҳәа 1— Sputnik. Урыстәыла Аладатәи афедералтә округ 11 мҩа-хәҭа рҿы аидарамҩангага машьына дуқәа рныҟәара аанкылахоит. Уи мзызс иамоуп ашоура цәгьа. Арҭ амҩақәа ирыҵаркуеит автотрасса Џьубга-Шәача.
Шәачатәи ахырхарҭаҿ асааҭ 10 инаркны 22 рҟынӡа атрасса А-147 "Џьубга — Шәача — Аԥсны Аҳәынҭқарра аҳәаа" (212 км), ахырхарҭа "Дублер Курортного проспекта" (16 км), "Адлер — Гәбаадәы", амҩахәҭа Адлер — акурорт "Альпика-Сервис" аркхоит аидарамҩангага дуқәа рзы.
