АҞӘА, нанҳәа 2 — Sputnik. Урыстәыла Атәылахьчара аминистрра Ацентртә архив аҟынтәи ицәырнагеит аҭоурых документқәеи афотосахьақәеи, Аҳаир-десантә ар раԥҵара атәы еиҭазҳәо ҳәа аанацҳауеит аҭыжьымҭа "tvzvezda".
Аџьынџьтәылатә еибашьраан афашистцәа рнапхгара адесантникцәа акыр ирыцәшәон. Урҭ адҵа ҟарҵон адесантникцәа рмытҟәаларц, аҭыԥ аҿы иршьларц.
Аминистрра асаит аҭоурых-ҟәша аҭааҩцәа ирбар рылшоит Аџьынџьтәылатә еибашьра аҭоурых еиҭазҳәо адокументқәа.
Аҭоурых абзиабаҩцәа ирбар рылшоит ар рыинрал Васили Маргелов — аҳаир-десанттә ар ркомандаҟаҵаҩ (1954-1959, 1961-1979), адесантник №1 иҭоурых.
Официалла ар шьаҭаркуп ҳәа иԥхьаӡоуп нанҳәа 2, 1930 шықәса рзы. Абри амш аҽны Воронеж амҵан Москватәи арратә округ аҽазыҟаҵарақәа раԥхьаӡа акәны 12-ҩык адесантникцәа алахәын.
