АҞӘА, нанҳәа 8 — Sputnik. Приднестровиатәи Молдавиатәи ареспублика Ахада Вадим Красносельски дырԥылеит Приднестровиатәи Молдавиатәи ареспубликаҿ иҟоу Аԥсны Ахаҭарнак Александр Ватаман и Уаԥстәыла Ахаҭарнак Витали Ианковскии. Абри атәы аанацҳаит Приднестровиатәи Молдавиатәи ареспублика Ахада ипресс-маҵзура.
"Приднестровиа ауааԥсыра ибзианы ирдыруеит ахьыԥшымра иаҵанакуа, аҭынч уааԥсыра рықәӡаара иазырхо арратә жәылара. Ҳара ибзиаӡаны иаадыруеит аҭынчра ахә. Шәгәырҩагьы шәыцеиҩаҳшоит", — ҳәа иҳәоит аиԥылараан Приднестровиатәи Молдавиатәи ареспублика Ахада Вадим Красносельски.
Иара иазгәеиҭеит ареспубликақәа рыбжьара иҟоу аинырра аҳаракреи аҭбаареи. Ҭабуп ҳәа ахиҳәааит аиҩызареи аусеицуреи ирзырхоу ауснагӡатәқәа рымҩаԥгараз иҟарҵо аҽазышәарақәа.
Нанҳәа 8 2008 шықәса рзы ақырҭуа ар " Градқәа", атанкқәа, авиациа рыла ихысуа аахыҵ Уаԥстәыла иажәлеит, аҳҭнықалақь Цхинвал абжара еилаԥырыххааит. Урыстәыла ауаԥс жәлар аӡәреи-аԥсреи ирцәыхьчо ақырҭуа ир ирҿагылеит. Хәымш ицоз аибашьра ашьҭахь Аахыҵ Уаԥстәыла ахы иақәиҭтәын.
Москва нанҳәа 26 2008 рзы Аԥсни Аахыҵ Уаԥстәылеи рхьыԥшымра азханаҵеит.
