Атәылахьчара аминистрра аштаб хада аиҳаб ҿыц аилазаара ддырдыруп

© SputnikПрезидент представил Минобороны Абхазии нового начальника Генштаба
Президент представил Минобороны Абхазии нового начальника Генштаба - Sputnik Аҧсны
Анапаҵаҩра
НовостиTelegram
Атәылахьчара аминистрра аштаб хада аиҳаб ҿыц Аԥсны Атәылахьчара аминистрра аколлектив дыддырдырит нанҳәа 16 рзы.

АҞӘА, нанҳәа 16 – Sputnik, Асмаҭ Ҵәыџьба. Аԥсны Ахада Рауль Ҳаџьымба Атәылахьчара аминистрра аштаб хада аиҳаб ҿыц Васили Луниов Аԥсны Атәылахьчара аминистрра аколлектив дыдирдырит нанҳәа 16 рзы.

Генерал-майор Василий Лунев - Sputnik Аҧсны
Аԥсны ар рыштаб хада аиҳаб ҿыц даҭоуп

"Аштаб хада анапхгара рҿаԥхьа иқәгылоуп аминистрра аилазаара иаҵанакуа ахәҭақәа зегьы рырӷәӷәара, реинырра. Иахьатәи анапхгаҩ ҿыц иаԥхьа аус уадаҩқәа шьҭоуп. Иара ирыциҵароуп акыршықәса Урыстәылатәи Афедерациеи ҳареи иҭышәынҳартәалоз аусқәа. Сара агәра згоит ҳаштаб хада иалшо зегь шыҟанаҵо ҳар еиҳа иӷәӷәахарц, ҳаамҭа иақәшәо еиқәыршәахарц азы", — иҳәеит атәыла Ахада.

Васили Луниов атәыла Ахадеи аминистрра анапхгареи ҭабуп ҳәа реиҳәеит иҟарҵаз агәрагаразы.

"Исус хаданы избо арратә мчрақәа аҭынчреи ашәарҭадареи разырхиароуп. Уи азы даара аус утәуп", — иҳәеит иара.

Луниов абри аҭыԥ аҿы диԥсахит Анатоли Хрулиов. Хрулиов Аԥсны арратә мчрақәа рыштаб хада аиҳабыс дыҟан 2015 шықәса раахыс.

Васили Луниов диит 1956 шықәса рзы Челиабинсктәи аобласт аҿы. Арратә академиа доушьҭымҭоуп. Аррамаҵзура дахысуан Мрагылара хада, Сибра, Урал.

Ажәабжьқәа зегьы
0