"Ҳазлацәажәаша ҳамоуп": Ласариаԥҳа акриптовалиута иадҳәалоу апроект иазкны
"Аусеицуразы амеморандум рнапы аҵарҩит аҳәынҭқарратә инвестициатә агентреи аилахәыра НЕМи. Уи иадҳәалоу акриптовалиута абиржаҿы иуԥылоит, аинвестициатә лшарамчы даара иҳаракуп. Уи азы акыр ҳазҿлымҳауп. Аусеицуразы амеморандум аҟны еиуеиԥшым адҵақәа ықәдыргылеит. Раԥхьа иргыланы блокчеин атехнологиа аҿиара иазку асеминарқәа, аконференциақәа рымҩаԥгара. Избанзар иара закәу, ахархәашьа здыруа ауаа маҷуп. Аҩбатәи усны иҟоуп аиновациатә проектқәа раԥҵара. Афонд "Ашанеи" ҳареи асоциалтә проект мҩаԥаагоит. Уи ианақәыршәаны адунеи аҟны инхо акриптовалиута змоу алшара имоуп ахәыҷ чымазаҩ ицхраара. Иазгәаҭатәуп, аиԥш зеиԥшу апроект шыҟамлац", — лҳәеит Ласариаԥҳа.
