АҞӘА, нанҳәа 23 – Sputnik. Атәыла Ахада ихаҭыԥуаҩ Витали Габниа инапынҵақәа рааныжьра иамзызны иазгәеиҭеит ииасыз амчыбжь азы аҭыԥ змаз ахҭыс. Абри азы аҳәамҭа ҟаиҵеит апресс-конференциаҿы. Атәыла Ахада Рауль Ҳаџьымба уи аганахь ала иҳәеит ари хатәы ӡбамҭоуп ҳәа. Абри атәы аанацҳауеит Ахада ипресс-маҵзура.
"Витали Виктор-иԥа ихала иӡбеит асеиԥш аура. Уи иара изин ауп. Атәыла Ахада иусура акәзар, ишымҩаԥысыц имҩаԥысуеит", — иҳәеит Ҳаџьымба.
Витали Габниа инапынҵақәа рааныжьра иамзызны иазгәеиҭеит ииасыз амчыбжь азы аҭыԥ змаз ахҭыс.
"Сара смаҵзура аансыжьроуп сыхьӡ-сыԥша ахьчаразы. Иҟасҵо аполитика акала иадҳәалам", — иҳәеит иара.
Атәыла Ахада ихаҭыԥуаҩ оумашәа ибоит ааха изҭаз иарбанызаалак хьырхәрак дахьақәыршәам.
"Сара сыԥсыҽхеит, избанзар азакәан иацәхьамҵуа ауаҩы иахьатәи ҳсистемаҿ дыԥсыҽуп. Амчра рнапахьы иааргеит уи азы азин змам ауаа. Иааидкыланы ҳзинхьчаратә органқәа лшара рымам. Ахара зхароу данахьырхәым аҳәынҭқарра ушьуеит ауп иаанаго. Иҟоу аҭагылазаашьаҿы сара схы сыхьчар акәхоит аԥсыуала. Ус анакәха, смаҵура аансыжьроуп", — иҳәеит иара.
