АҞӘА, нанҳәа 24 — Sputnik. Иементәи ахуситцәа иртәу ателеканал "аль-Масира" аҳәамҭала иҭахеит 26-ҩык ауааԥсыра. Урҭ реиҳарак хәыҷқәоуп. Ахҵәацәа Ходеиды иалҵыз ракәын ҳәа аанацҳауеит РИА Новости.
"Аль-Масира" адыррақәа рыла иҭахеит 22 –ҩык ахәыҷқәеи 4-ҩык аҳәсеи.
Иемен иҟоу Жәларбжьаратәи Аџьар ҟаԥшь ахаҭарнак Мирелла Ходеиб нанҳәа 10 рзы РИА Новости иазаалыцҳахьан Саада ақалақь Дахиан араион аҿы автобус иахьажәлаз иахҟьаны жәаҩыла ауаа ҭахеит ҳәа. МККК Twitter аҿы иҟанаҵаз адыррала иҭахеит 50 –ҩык ауааԥсыра, 77-ҩык ахәрақәа роуит.
Иемен 2014 шықәса раахыс аиҳабыратә мчрақәеи ахусситцәа рымчрақәеи еиҿагылоуп.
ООН аҭынчра ашьақәыргыларазы имҩаԥнаго аҽазышәарақәа макьаназ илҵшәадоуп.
