Москва, Урыстәыла иҟоу Аԥсны Ацҳаражәҳәарҭаҿ адышшыларатә шәҟәы аартуп

© Sputnik / Андрей Стенин / Афотобанк ахь аиасраФлаг Абхазии, перевязанный черной лентой, на здании посольства республики в Москве.
Флаг Абхазии, перевязанный черной лентой, на здании посольства республики в Москве. - Sputnik Аҧсны
Анапаҵаҩра
Yandex newsTelegram
Аԥсны аԥыза-министр Геннади Гагәылиа иԥсҭазаара далҵит Мысра ааигәара иҟалаз амҩатә машәыр иахҟьаны, цәыббрамза 8, асааҭ рзы23:10 рзы.

АҞӘА, цәыббра 9 — Sputnik, Сариа Кәарацхьелиаԥҳа. Аԥсны аԥыза-министр Геннади Гагәылиа иҭахара инамаданы Москва цәыббра 9 рзы адышшыларатә шәҟәы аадыртит ҳәа Sputnik акорреспондент илзааицҳаит Урыстәыла иҟоу Аԥсны Ацҳаражәҳәаҩ Игор Ахба.

Фото с места ДТП, в результате которого погиб премьер-министр Абхазии Геннадий Гагулия - Sputnik Аҧсны
Аҩныҵҟатәи аусқәа рминистрраҿы амҩатә машәыр шыҟалаз иахцәажәеит

"Ацҳаражәҳәарҭа гәалсра дула адышшылара ҟанаҵоит Аԥсны аԥыза-министр Геннади Гагәылиа иԥсҭазаара дахьалҵыз азы. Зегьы ишәыцеиҩаҳшоит шәгәырҩа. Аԥсны Аҳәынҭқарра Ацҳаражәҳәарҭаҿ иаартхоит адышшыларатә шәҟәы, илашьҭхоит ареспублика абираҟ. Адышшыларатә шәҟәаҿы аҩыра ҟазҵарц зҭаху зегьы ирылшоит арахь иааирц", — иҳәеит иара.

Аԥсны аԥыза-министр Геннади Гагәылиа иԥсҭазаара далҵит 71 шықәса дшырҭагылаз, рзы амҩаду "Ԥсоу-Аҟәа" аҿы, цәыббрамза 8, асааҭ рзы 22:40 рзы иҟалаз амашәыр иахҟьаны.

Геннади Гагәылиа дызҭатәаз автомашьына Шәачатәи аҳаиртә баӷәазаҟынтәи Аԥсныҟа иаауаз аиҳабыратә кортеж иахәҭакын.

Аԥыза-министр имашьына иасыз автомобиль ВАЗ-21099 аԥсҟы икын Жәандәрыԥшь ақыҭан инхо Ҳаџьараҭ Ҭарсман. Амашьынақәа анеиҿас, аԥыза-министр Геннади Гагәылиа дызҭаз автомашьына "Toyota Camry" ажра иҭаҳаит.

Геннади Гагәылиа иоуз аахақәа ирыхҟьаны иԥсҭазаара далҵит.

Егьырҭ, амашьына арныҟәцаҩи аԥыза-министр ихьчаҩи рыԥсҭазаарақәа ашәарҭа иҭагылам.

Геннадий Гагулия - Sputnik Аҧсны
Аԥсны аԥыза-министр Геннади Гагәылиа амҩатә машәыр аҟны дҭахеит

Жәандәрыԥшь ақыҭа ауаҩԥсы Ҳаџьараҭ Ҭарсман цәыббра 8 асааҭ 22.40 рахь инеихьаны ареспубликатә трасса даныланы дцон, Гагра ақалақь ахь ихы рханы. Иара убри аан иарбанызаалак амашьына арныҟәаразы азин ҟазҵо шәҟәы имамызт.Ҭ арсман амҩатә ԥҟаррақәа еилаганы аиҳабыратә кортеж автомашьына амҩа аимҭеит. Уи адагьы, аҵыхәтәан ишышьақәыргылахаз ала, анаркотикатә маҭәашьарқәа идкылан дыҟан иҳәеит Аԥсны Апрокурор хада ицхырааҩ Даур Амҷба.

Аҭыԥ аҿы аус руеит азинхьчаратә органқәа. Иҟалаз шыҟалаз азы аусҭҵаарақәа мҩаԥысуеит.

Геннади Гагәылиа Аԥсны ахада Рауль Ҳаџьымба дызхагылаз аԥсуа делегациа дахәҭакны Шьамтәыла официалла даҭааны дыҟан.

Аԥсны Ахада иакәзар, дызҭаз автомашьына иара абри аколонна иалан. Атәыла Ахада ԥырхага имоуит. Аиҳабыратә кортеж иашьҭанеиуаз автобус иҭаз аԥсуа делегациа алахәылацәагьы ԥырхага рмоуит.

Аԥсны Ахада ипресс-маӡаныҟәгаҩ Наала Аҩӡыԥҳа Аԥыза-министр иҭахара амҩатә машәыр ауп изыхҟьаз, иԥсҭазаара ашәарҭара аҭаргыларазы ҽазышәара ыҟамызт ҳәа ахылҳәааит.

Ажәабжьқәа зегьы
0