Нанба Аҟәа агаразы цәыббрамзатәи ажәылара иазкны: ҳаанызкылоз мчы ыҟамызт
"Абри амш азы ажәылара ҳцоит ҳәа аплан шьақәыргыланы аҟаҵара мацара иауӡом. Аибашьцәа ианаамҭо рдәықәҵарагьы акыр аҵанакуеит, уи аамҭа азыԥшаарагьы мариам. Иара аибашьра ахатә чымазарақәа амоуп. Асолдаҭ акоп данҭахацәа, нас иргылара цәгьахоит. Иацы амца зыцралоз игәы, иахьа ихьшәашәар ҟалоит. Убри аҟнытә ажәылара иарбан аамҭоу ианхацырктәу аӡбара акыр аҵанакуеит. Усҟан агоспитальқәа еиқәшәазар ауп, ахәшәқәеи ашьеи рыла. Амашьынақәа, аҽқәа уҳәа зегьы рыла умазеизар ауп. Аҵыхәтәантәи ажәылараан еибашьра ҳцаҵәҟьеит. Ҳаанызкылоз мчы ыҟамызт, ҳаилибакаауан зегьы", — ҳәа еиҭеиҳәеит Нанба арадио Sputnik Аԥсны аефир аҟны.
