АҞӘА, цәыббра 30– Sputnik, Асмат Ҵәыџьԥҳа. Акциа "Ҳфырхацәа рымҩала" мҩаԥысуан цәыббра 29 — 30 рзы. "Ҳфырхацәа рымҩала" алахәылацәа акциа хдыркәшеит Аԥсны аҳәааҿы, цәыббра ҩеижәижәаба асааҭ 12:30 рзы ҳәа Sputnik акорреспондент илзеиҭеиҳәеит акциа а аиҿкааҩ Алиас Гәаланӡиа.
Акциа иалахәын 60-ҩык. Аҵыхәанӡа инеиит 50-ҩык.
"Аҵыхәанӡа изымнаӡаз ыҟоуп. Дасу илшара шыҟаз еиԥш", — иҳәеит иара.
Акциа ахы ыҵнахит Аҟәа, Ахақәиҭра ашҭаҿы, цәыббра 29, асааҭ 10:30 рзы. Алахәылацәа уахынла иԥхьеит Тамшь ақыҭан.
"Тамшь ҳаԥхьеит. Кәтолаа афатәажәтә ҳзааргеит. Ҳаԥсы шьаны ҳамҩа иацаҳҵеит", — ҳәа еиҭеиҳәеит аиҿкааҩ Алиас Гәаланӡиа.
Гал дара ирԥылеит араион Ахадара ахаҭарнакцәа, арҿиаратә коллективқәа.
Акциа "Афырхацәа рымҩала" Аԥсны имҩаԥыргоит 2015 шықәса раахыс.
