АҞӘА, жьҭаара 2 – Sputnik. Аԥснытәи аполигонқәа ахарахәара рыҭоуп Урыстәыла аруаа инарҭбаау разыҟаҵарақәа раан. Аҵыхәтәынтәи 30 шықәса раахыс арҭ аҽазыҟаҵарақәа зегьы иреиҳауп ҳәа аанацҳауеит РИА Новости Аладатәи арратә-округ акомандаҟаҵаҩ аинрал-полковник Александар Дворников иажәақәа ҵаҵӷәыс иганы.
"Аҽазыҟаҵарақәа мҩаԥысуеит аокруг аполигонқәа ааба рҿы. Арахь иаҵанакуеит Ермантәыла, Аԥсны, Аахыҵ Уаԥстәыла аполигонқәагьы" — иҳәоит Дворников.
Иара иажәақәа рыла, арҭ азыҟаҵарақәа раан ахархәара рыҭахоит ҳаамҭазтәи аибашьра аформақәа, Шьамтәылатәи аԥышәа ҵаҵӷәыс иҟаҵаны.
Аҽазыҟаҵарақәа ирылахәуп Аладатәи арратә округ арқәа ҩба: 49-тәи 58-тәи.
Жьҭаара 1 азы 8,5 нызқьҩык инареиҳаны урыстәылатәи аррамаҵзурауааи ҩ-нызқь цыра рҟынӡа арратә техникеи иаалырҟьаны идыргылеит Урыстәыла аладатәи акоманда-штабтә ҽазыҟаҵарақәа рҳәаақәа ирҭагӡаны.
