АҞӘА, жьҭаара 2— Sputnik. Урыстәыла жәлар рартист Роман Карцев 79 шықәса дшырҭагылаз иԥсҭазаара далҵит Москва ақалақь аҟны ҳәа аалыцҳауеит Наталиа Жеромскаиа. Абри азы адырра ҟанаҵоит РИА Новости.
Карцев иактиортә кариера хациркит амшынтә флот анџьнырцәа Одессатәи ринститут астудентцәа ртеатр "Парнас-2" ахь ааԥхьара аниоу инаркны. 1972 шықәса рзы иара латәарада далгеит ГИТИС актиортә факультет. Аиҳарак иара деицырдыруа дҟалеит акинофильмқәа "Собачье сердце", "Небеса обетованные", "Старые клячи", "Мастер и Маргарита" рҟны инеигӡаз арольқәа рыла.
