АҞӘА, жьҭаара 5 — Sputnik. Урыстәылеи Индиеи аилаӡара рыбжьарҵеит Ниу-Делиҟа акомплексқәа С-400 рынашьҭразы ҳәа аанацҳауеит РИА Новости атәыла ахада ипресс-маӡаныҟәгаҩ Дмитри Песков иажәақәа ҵаҵӷәыс иганы.
Путини Индиа аԥыза-министр Нарендра Модии иазгәарҭеит атәылақәа рыҩба арра-техникатә усеицура рҭахны ишыҟоу, уи наҟ-ааҟгьы афеидара шырзалоу.
Иҿыцӡоу азенитн-ракетатә системақәа раахәаразы Индиа 5,43 миллиард доллар ашәароуп. Индиа, "Триумфқәа" аазхәо ахԥатәи тәылоуп Китаии Ҭырқәтәылеи рышьҭахь.
С-400 "Триумф" — иҿыцӡоу азенит-ракетатә система, азырхоуп авиациа, аракетақәа, адгьылтә обиектқәа рҭархара. Иара алшара 400 километра иҟоуп, ҵәҩанҵәтәи аҳаракыра – 30 километра.
Путини Модии С-400 "Триумф" аахәара иалацәажәахьан 2016 шықәса рзы.
Индиа иамоу абџьармчқәа 70% урыстәылатәи ҭыжьымҭоуп.
