АҞӘА, жьҭаара 9— Sputnik. Хабиб Нурмагомедов ахараԥса иқәырҵеит аиндаҭлара ашьҭахь аҭыԥ змаз аисразы. Ахараԥса иартәоит 250 000 доллар иҳәеит UFC аиҳабы Деин Уаит ҳәа аанацҳауеит Р-Спорт.
Уаит иара убасгьы иҳәеит аштат Невада Атлетикатә комиссиа аӡбрала ҩ-миллион доллар инаӡо Нурмагомедов иаԥхьахәԥса шиқәнырымкыло атәы.
Нурмагомедов дышчемпиону даанхоит аха ԥшьымз рыҩныҵҟа ЕАШ иқәгыларақәа ԥкхар алшоит иҳәеит Уаит.
Жьҭаара фба рзы Хабиб Нурмагомедов Конор Макгрегор дииааиит реиндаҭлараан. Ақәԥара ашьҭахь аринг анҭыҵ массала аисра ҟалеит.
Уаанӡа еиндаҭлоз Хабиб Нурмагомедови Конор Макгрегори ракәзаргьы аисра иалахәхеит.
