АҞӘА, жьҭаара 11 — Sputnik. Ахаҭарнакратә бренд иаҵанакуа урыстәылатәи автомашьынақәа раԥҵаҩцәа рҽазыршәоит премиум-класс иатәу амашьынақәа раԥҵаҩцәа рындаҭлара, хаҭала британиатәи абрендқәа Rolls-Royce-и Bentley-и, анемец бренд Maybach-Daimler-и, ҳәа аанацҳауеит РИА Новости агазеҭ Die Welt адыррақәа ҵаҵӷәыс иганы.
Астатиа автор ишиҩуа ала, абренд аус адулара иалнаршоит анемец анџьнырцәа радыԥхьалареи, ҷыдала абри амашьына зхы иазырхәо Урыстәыла ахада Владимир Путин иимиџь ашьҭыхреи, арабтәи ашеихцәа рԥара аусмҩаԥгатә алагалареи.
Die Welt ишаҩуа ала, уаанӡа Владимир Путин алимузин Mercedes-Benz S600 амодели Guard Pullman амодели ихы иаирхәон. 2012 шықәса рзы иӡбан аҳәаанырцәтәи амодельқәа ракәымкәа атәылаҿ иҭрыжьуа амодель атәыла анапхгара рзы ахархәара рыҭазарц.
Апроект "Кортеж" иазыԥхьагәанаҭоит атәыла актәи ахаҿқәа рзы автомашьынақәа— лимузин, седан, минивен —рҭыжьра.
